[!anishtain law!]

المشاركة الأصلية كتبت بواسطة يتيمه موضوع رائع ياخوي كل ما أقول لاي شخص اني حابه قسمي ودخلتوا عن حب اشوف في عيونهم بدون تصريح صادر سؤال كم لك متخرجه والى الآن بدون عمل صح بكمل سنه لكن هدفي مو العمل فقط طالما حابه هذا القسم وهذا التخصص اكيد ان شاء الله بنجز فيه لكن مافي شئ سهل حابه اكمل درساتي ماستر والى بعد كذا والله يوفقنا ويوفق الجميع للخير وجزاك الله كل خير على هذا الموضوع تحياتي

يا غاليه معايير تحديد النجاح مو الناس اللي يضعوها لنا
احنا اللي نحط المعايير واحنا اللي نمشي عليها من أجل الوصول الى الهدف اللي واضعينه نصب اعيننا
المفروض عندما تجدين منهم هذا السؤال
تقولين بنشوه وفخر واعتزاز انا هنا الحاكم فالأمر امري والقرار قراري
ومن حق اي انسان هو اللي يدير تصرفاته ويدير حبه وميوله

اقسم بالله يا اختي
اني تركت الطب وتوجهت لهالمجال بناء على الحب مع اني كنت بالطب ناجح
بس ما كان في شيء اسمه حب المهنه
لمن الناس عرفو اني تركت الطب وتوجهت اقتصاد واداره وقسم انظمه
واجد هاجموني واعتبرو هالخطوه نكسه في مستواي التعليمي
واعتبرو اني كذا اقتل جهدي اللي بنيته بالمراحل الدراسيه السابقه
هذا لسان حالهم وهم يتكلمون معي
لكن الحين ؟؟
النظره متغيره مليون بالميه
تسعه وتسعين بالميه منهم داعم لي ومؤيد وشاد بأزري في هالخطوه
بالعكس يشوفون اني سويت احسن خطوه بحياتي
لاني انا شفتها صح
وأقتنعو بنظرتي بناء على الجهد اللي شافوه مني

قبل لا انهي كلامي ابي اعطيك نصيحه ببلاش
والا هالنصيحه كلفت عمر انسان

وجهي الناس لسلوك طريقتك في الحياة ولا تحاولي تسلكي طريقتهم في بلوغ اهدافك فطرق الناس مشتته وطريقتك هي الأصلح لك لأنها مبنيه على قدراتك وامكانياتك التي لا يعرفها غيرك


تمنياتي لك بالتوفيق والنجاح
الماستر بالملك سعود 25 الحج يبداء التقديم اذا تبين تسجلين

اذا خارج المملكه انا داعم لك ومؤيد والوزارة طالبه قسم انظمه لأنه تخصص نادر

دمتي بود