[الناااايف]

أنت ياللي حسنك السايب يخليني حرامي
جيتك صعبة وانا عن جيتك ماني بغافل

كيف ابين لك غلاك وكيف اوصل لك كلامي
والحيا قاطع طريق ولهفتي صوبك قوافل

وكيف اوصلك معاناتي ولا ابين اسامي
والعواذل تحتري كلمة وانا ماني بسافل

وكيف ابين لك خطاك وخافقي طامع وضامي
للوصال اللي مثل حلم الفقارى بالتكافل

ليتك تشوفك ابعيني كان شفت القصد سامي
وليت لك قلب مثل قلبي من التوديع جافل

وليتك تشوف الجروح بعين حزني يامرامي
كان شفت النجم ذاك الاولي طافي وافل

سوووووووووووووووووالم