رد: (((اللي عندو أختبار قانون مع الدكتورة ليندا نيص يوم السبت يدخل)))
انا كمان من البنات اللي عندهم اختبار يوم السبت مع الاستاذة ليندا نيص - مبادئ قانون
بس انا عن نفسي مارح اداوم عشان بجد مو مستغنية عن روحي عشان اختبار
وحتى لو صار والاستاذة بنفسها اتشجعت وداومت واختبرت البنات وقالت الثاني رح يكون اصعب باذن الله رح اكون قدها
بجد الموضوع مايسوى,,
العالم لسه خايفة ومحد متوقع ايش يصير وانا شايله هم اختبار!!!
تدروا امس خرجت مع اهلي وقلنا نمر على حي الجامعة وقويزة وكذا بس يعني ناخذ فكرة عن الوضع اللي صاير
*رحنا هناك ورب البيت الارض محفرة كانه ماكان في ارض من الاساس
*تدروا واحنا ماشيين دقت السيارة حسبته مطب
*عارفين ايش طلع؟؟
*انابيب هذي اللي تحت الارض
البنية التحتية يعني
*وسور الجامعة الطويييييييييل هذاك صار تراب
*والشجر مو بس مخلع الا مفتت
*وفوق هذا ازيدكم من الشعر بيت
*تدروا واحنا ماشيين في كوبري كذا قريب من قويزة
*عند مطعم غويزي وذا وقدام شوي
*شفنا الدفاع المدني والاسعاف ((لسه)) بيعملوا بحث وانقاذ
*وفي ريحة مووووووووووت
*جثث لسه بتنشال من هناك
*لا وكمان عارفين كلية الهندسة وعلوم البحار؟؟
*الموية لسه طافحة الين الشاااااااارع
*الين يومكم ذا ماشالوها ولا حتى نشفت
*تخيلوا براميل الزبالة الله يكرمكم الكبااااار هذيك
*يمين بالله مهدودة
*وسيارات مقلوبة ومنتهية عالااااااااااااااخر
*وربي بجد صورة بشعة
*لا وكمان
*رجعنا البيت فتحنا التلفزيون
وبنتفرج على رجال يمشوا اظن انهم من الدفاع المدني
وهما ماشيين بيخبطوا باشياء في الارض وخرابيط وكذا يحسبوها حجر ولاحديد ولاشجر او اي شي
*لما يسحبوا يلاقوها جثث
*كنا امس نتفرج وشفناهم يطلعوا جثة بنتين ورجال شايب
*وتدروا ايش وراهم
*سور جامعة الملك عبدالعزيز
*يعني كل العفن ذا عندنا
*لا وكمان في ناس مفقودة االى الان
*ويقولكم الارصاد الجوية متوقعه امطار اقوى اليوم وبكرة
يعني الخميس والجمعة (16,17\12)
*تخيلوا تلاقوا مناظر ابشع من كذا وانتوا رايحين عالدوام ؟؟
*ولا الاخس
*تخيلوا لاسمح الله يصير كذا وانتوا في السيارة؟؟
*والمنطقة هناك اكثر خطر
وحتى لو مامطرت اليوم وبكرة مو شرط يكفيكم المصايب اللي الى الان
*انا مارح اقولكم شوفوا الصور ولا دوروا في النت
*اركبوا سيارتكم وروحوا حي الجامعة ولفوا,, ولو حسيتوا الوضع يسمح داوموا والله الحافظ
*مارح تتخيلوا المنظر الين ماتشوفوه بعينكم
*وربي قلبي اتقطع لما شفت كل ذا
*وتبغوني بكل ثقة اهتم باختبار؟؟
*العالم لو قالولها جهاد ما راحت وفدت روحها وتبغوني اروح عشان اختبار؟؟
*هذا اذا هيا حضرت كمان
*لا وترى نسيت اقولكم
*ترى الطرق مقفلة
*ومن عند البوابات الطرق المعبدة ذيك اللي كنا نمشي من عندها؟؟
*صارت طين وبقايا اشجار وسيارات
*طبعا باقي بوابة او 2 مفتوحة بس معدومة برضه
*ياعالم في ناس ماتت
*وناس مو لاقية اهاليها الين اليوم
*وناس خسروا بيوتهم واشياءهم
تتوقعوا في اختبار اهم من كل ذا؟؟
*صحيح انا مو منهم والحمدلله
*بس في ناس اتضررت والجامعة تلم
*وليندا قلبها مو حجر لذي الدرجة
*عارفين المدرسة اللي جنب الجامعة؟؟
*هذي مدرسة اختي الصغيرة
*وربي ماصار في مدخل
الارض محفرة
حتى تخاف تمشي عليها لاتطيح ولاتقوم بعدها
* حتى الوالد يقول لاختي كيف ادخلك جوا مافي طريق
*وكان في سور فاصل بين مدرستهم وعمارة مدري فيللا لسه بتنبني جنبهم
*انتهــــــــــــــــــــــــــــــــى
*خلاص مابقي منه شي
*كله طين
وحتى لو في مباني الجامعة عندنا ماتتحمل خصوصا قسم البنات اللي فيه المباني الاثرية زي التاسع والخامس والثاني وغيره
قريت كلام وحدة كتبت هنا في المنتدى انه التاسع مرة اتعطلت مكيفاته بس وحسوا كانه جاهم زلزال
هذا وهوا بس عطل في المكيف فما بالكم بسيول؟؟!!!
انا مابشجعكم عالغياب بس لازم الواحد ياخذ فكرة عن الوضع قبل لايدخل في شي زي كذا
لاتصدقوني وشوفوا بنفسكم
صحيح لن يصيبنا الا ماكتب الله لنا والواحد بيتوكل على الله بس في نفس الوقت (ولاتلقوا بأيديكم إلى التهلكة)
فكروا كويس وادرسوا الوضع تمام
وبجد آآآآآآآآآآآآسفة عالاطالة بس الموضوع مو هين
|