[0370172]

الأخت: الماستر هدفي
معدلك من وجهة نظري طيب وهو جيد.
بس للأسف هالمعدل ما يقبل في برنامج الملك عبدالله للابتعاث الخارجي الي قلت لك عنه في رد سابق.


باقي لك ثلاث خيارات مفتوحه أمامك:

الخيار الأول إنك تطلعين تدرسين في امريكا (أو أي بلد حسب رغبتك) على حسابك الخاص لمدة ومتى ماكملتي ترم دراسي أو 15 ساعة دراسية تقدمين اروراقك للملحقية في نفس البلد وتطلبين الانضمام للبعثة، وخلال شهر إلى شهرين تجي الموافقة وتصبحين مبتعثة ويصرف لك مكافأة وبدلات مثل الي طلع من الاساس مبتعث.
- قد يكلفك في امريكا سكن ورسوم دراسة ومعيشة وغيرها لمدة ترم 100 الف ريال- وهذا يعتمد أيضا على الولاية ودرجة رخصها وعلى صرفيتك الشخصية. بس انا اتكلم عن المتوسط.

الخيار الثاني إنك تقدمين على برامج الماجستير المدفوع الي هنا في البلد وتحصلين على مرادك إن شاء الله.

الخيار الثالث (وهو في الحقيقة مو خيال هو نصيب) إن يتزوجك واحد مبتعث وتروحين معه وتدرسين برا وتحققين حلمك. هذا في حال إنك عزباء .

وبالنسبة للوظيفة الي تتكلمين عنها في الراجحي فأنصحك لا تفرطين فيها وبإمكانك وقت ما تضمنين شي غيرها تتركينها.

الله يكتب لك إكمال دراستك وتحيقيق حلمك. موفقة