[ملاك الذوق]

المشاركة الأصلية كتبت بواسطة marvellous ملاكوو نورتي ... انتي تفضلي إيه منهم ؟؟ الورود ؟؟ ولا أوباما ؟؟ يعني أيت موضوع فيهم اللي يشدك أكثر ؟؟ ... أصلاً بيني وبينك كلها في معلومات تنقال وسهلة شوية ,, لو تبغي تتكلمي عن |الوقح| باراك , تقدري تحكي عن قصته كيف كان عايش في كينيا وإن أبوه مسلم , وإنهم عاشوا في إندونيسيا فترة طويلة , وكان يضطر إنه يشتغل في بعض الأيام لمن المغرب عشان يلاقي لقمة عيش!! والعملية الإنتخابية حقته واللي كانت من أشرس الإنتخابات على مر التاريخ >>> طبعا (أشرس) معبرة !! خخخخ , وكان شعاره حق الإنتخابات (التغيير) (change) ... وطبعاً لمن دحين ماشفنا ولا وعد من وعوده ... ومنافسه "ماكين" كان من الحزب الجمهوري , وألقى بعدييييد من التهم لباراك .... وأوباما اضطر يعيد القسم (اليمين الدستورية) لأنه تلعثم فيها قدام الناس !!!! المهم إنه في أشيااااااء كثيرة يمديك تتكلمي فيها عن باراك .. وحيكون موضوع حلو .. خصوصاً إنه عندي كم باوربوينت وفيلم وصور عن أوباما والإنتخابات حقته ^_^ ... أما بالنسبة للورود ... فهو موضوع حلو ورومانتك وحركتات شويتين ويناسبك وكدا يعني ... تقولي مثلاً اللون الأحمر يدل على الحب . والبرتقالي على الوفاء والإخلاص . والأصفر أظن على الغيييرة. والبنفسجي على الطيبة. ويقولوا إن الوردي يدل على الإمتنان أو الشكر ... ........وكلام كثير عن الورود ذي ماينتهي المهم انتي شوفي تحبي إيه منهم واحنا نقدر نساعدك يعني .. <<<< فاااااايق لأنه مهموووووم!!!!!!!!!!!!!!!!!!!!!!!!!!!!!!!!! سي يوو

هــــلآلآ بأطيب قلب

النور نورك حمتو ..

بيني بينكـ قلبي يقوول اتكلم عن الورد وعقلي يقوول عن اوباما

بس خلاص قررت ..

اتكلم عن الورد وتأثيرها ع الشخص ومعاني الوانها ..؟

وراح اوزع لبنات الكلاس واستاذتي ورد من بعد مااخلص ,,

شــرأيكـ ..؟؟

ومشكوور ربي يسعدكـ ويخليكـ وربي مرهـ خايفهـ لانو راح يتحسب بـ 30 بس الله يعين ..