رد: اخلاء الجامعه يوم الثلاقاء بعد الظهر الله يستر
الحمدلله على سلامتنا
اول شي انا دخلت الجامعة على الساعة 11 الا
الجو كان مشمس وحااااااار واقول كمان متوقعين امطار ماشكلو
دخلت الثامن قعدت اذاكر ساعة والساعة 12 اخرج برا الاقي الدنيا غيوم
امي تقلي مغيمة قلتلها ايوة بس مو مرة ودوبها كانت شمس
الساعة 1 واحنا في المحاضرة على وحدة ونص نسمع اصوات وبواري واصوات غريبة الدكتورة تقول في شي برا
البنت قالتلها بيخلو
على طول لمينا عفشنا وجات وحدة من الامن دخلت الكلاس تقول يلا اخلو
جاني الرعب ادق على احد اعرفو في الجامعة كلهم راحو
دقيت على اهلي قالو جايين
خرجت برى الشارع الين عند الاشارة
زحممممممممممممممممممممممممة مو طبيعية والي موقفين في نص الشارع ومعطلين السير
والسماء مغييييييييييييمة وانا اقول لبنت يارب تشرق الشمس
بعدين الحمدلله رحت وعدينا على بنت عمي ومشينا
بنت عمي طب دوامهم في المستشفى قالولهم اخلو بسرعة بس سنة 7 يقعدوا يستقبلو حالات
والحمدلله على سلامتنا وعلى سلامة الجميع
بس انا الي مستغربة منو ليش اخلونا برا المباني المفروض يدخلونا في مكان امن ابعد جهة عن مجرى السيل والي تجي سيارتها تطلع بدل الزحمة والرعب الي صار
اهم شي الحمدلله عدت على خير
بس سؤال: هل كل ماغيمت السماء وطول فترة الشتاء بيقعدوا يسوو البهدلة دي
والحمدلله على سلامة الجميع
|