مفهوم الغش يا ستي واضح من الموضوع اللي محطوط...واانا مابا اسقيكم ولا اجلس اسوي هرج كتير..بس انا ماقريت نص او فتوى تقول انو المساعده في الاختبار حرام...!!
ما قريت حديث ولا شفت نص قراني ..ولا الكلام اللي مكتوب في الموضوع شي يدل انو في الاختبار او حاجه زي كدا!!!!!
انا اول حاجه ما قلت جابها من راسو..وانتا على كيفك تقول من مصدر موثوق!!
ياسلام انا اشوف نص والله مزبط وكلوو..اقلك والله دا اكيد مصدر موثوق
على كدا كلنا نقلب (....) !!
وخلاص نمشي على الكلام اللي يقولوه لانو عندهم نصوص ويقولو من مصادر موثوقه!!
على العموم انا ما اعتمد على المساعده في الاختبار
انا والله ازااااااااااكر واعمل اللي عليا كلوووووووووووو
بس لمن انسى قانون..انسى شي تافه!!
اقوم اضيع درجتين تلاته خمسه درجات كدا في الهوا
عشان ما اخلي اللي جمبي يساعدني فيها!!
واضيع مستقبلي كلوووووووووو
واجلس لا مستقبل ولا حاجه..عشان شويه اسئلة في الاختبار ما تنحل من ناس معقدين نفسيا يحطوها في وقت قياسي
واقعد في البيت حاطط يدي على خدي
وترى بعض الدكاتره يسااااعدو في نفس الاشياء اللي احتاجاها.!!
طيب ليش بعضهم يساعدو الطلاب وبعضهم لا؟؟
ليش بعد الدكاتره والله يعرفو شعبتهم..يعطوهم قوانين وعادي يعني يوصلوووهم لحد الباب
ونحنا جلسنا في قاعه مافيها دكتور ولا حاجه!!
ونجلس خلاص كدا!!
هنا ظلم..
والله وجهة نظر!!
mr.x