السلام عليكم ..
دايركت حخوش في الموضوع .. مع انو اعرف عندكم اختبارات
لكن مو مشكله وقت ماتفضو ردو عليااا ..
انا طالبه ( صيدله ) سنه تانيا .. في جامعه تانيا ..
الموهيم .. وان شالله ححول عندكم ..
لكن قبل ما أأكد تحولي خايفه اندم اني حولت عندكم
عشان كده قولت اخد الزبده من عندكم و استخير وبعدها احول ..
* بدي اعرف الصيدله الي تدرسوها هيا ( pharm d ) من سنه اولى
ولا لمن تسيرو سنه تالت تختارو يا ( pharm d ) ولا ( pharm b )
وكم سنه الفارم دي عندكم مع الامتياز وكلو .. ؟؟
اول يوم لمن داومنا في الكلية جات العميدة دكتورة فايدة بامانع وقالت انه كلنا حنكون فارمادي
الدراسة 6 سنين مع الامتياز
* وايش اجناس الدكاتره الي يدرسوكم ( عرب - اجانب )
وازا اجانب ايش اغلب الجنسيات الي عندكم .. ؟؟
احنا اللي يدرسونا كلللللللهم من مصر
ما دخلت عليا ولا وحدة اجنبية
بس يقولوا في دكتورة هندية تدرس البشري فيسيولوجي ما ادري ممكن تجينا ولا لأ
وكيف درجات الدفعه عندكم كامله يعني عموما الاغلب بين كم وكم ؟؟
اممممم يعني في درجات حلوة وفي وسط
لأنه في الدوري دخلنا الاختبرات واحنا محنا عافين طريقة الاسئلة وكدا اول مرة فكان في شوية تخبيص لكن الدفعة ماشاء الله جديين وممتازيين
وكم عدد بنات الدفعه تقريبا ؟؟؟
60 بنت تقريبا
وعندكم مادة انجلش كدا لحالها قرمر وفوكابلري زي اولى ولا خلاس ؟؟
لا خلاص الحمد لله اخدناه كله في التحضيري
* واسئلتكم في الاختبارات تكون كيف ( mcq ) اختيارات ولا كتابه .. ؟؟
المواد العامة اختياري
ومواد التخصص فيها كتابة بس شي بسيط ما يتعدى سطر واحد
او تعتمد حسب الماده ؟؟؟
والدكاتره عندكم يتغيرو كل فتره وفتره ولا نفسهم ؟؟
ايوا كل شابتر تعطينا هو دكتورة غير
بس مو كل المواد في مواد دكاترترها ثابتيين
* وايش المواد الي تدرسوها في ( سنه تانيا ) عشان اعرف ايش راح اعادل من موادي .. ؟؟
بايوكمستري-اورقانك-اناليتك-فيسيولوجي-سيوتكس -اناتومي -هيستولوجي-عربي1-ثقافة1-
وبس كدا كفايا عليكم .. لووول وشدو حيلكم في الاختبارات .. 