[قسـوة الأيـام]

نجلاء: تذكرت .. حمودي انت مانمت نام ارتاح

احمد : اذا بتغني لي بنام

نجلاء: هههه على مساوليتك ..

احمد : اكيد ..

راحت وحطت راسه على فخذها تلعب فيه متوهقه وش تغني ..

احمد غمض عيونه ومسك ايدها : يله ..

نجلاء : اممم وش اقول

احمد بكسل : اي شي ان شاء الله تهويدت البزارين

نجلاء: ههههه تخيل

احمد : يلللللللله

نجلاء : طيب امم امم ماعرف ههههههه

احمد : نجلاء بزعل بعدين بمرض ترى

نجلاء بسرعه : لاااا بغني

قالت بصوت هامس وناعم بالغرفه الهاديه ..:
....لحضه وداعك
آآآه يالحضه وداع
ياهي صعبه بالحيل
وانا اللي ابي قربك وابيك بدنيتي تبقى معي تبقى ..

نسيت اني اعشقك واني بفقدك ...

سكتت طاحت دمعتها على وجه احمد .. ضل مغمض عيونه وماسك بيدها ...وهو يتقطع من داخل ظلم نجلاء بقربه منها اذا تركها بتتحطم .. محد بيتعذب مثلها محد بيفقده غيرها : كملي يانجلاء كملي

نجلاء كملت وهي تبكي .. :
من لي غيرك ياعمري لو بعدت ورحت عني ..
لو تحس بس اللي فيني
لحضه ما تفارقني ..

شهقت بالبكي ...

احمد عدل جلسته وضمها يطمنها : انا معك ليه تبكين ..؟

نجلاء : لاتتركني احمد والله بعدك اموت

احمد : بسم الله عليك.. وش هالحكي اللي يضيق الخلق .. لاتفكري ببكره خليك باليوم .. المسي ايدي شوفيني انا قربك انا معك ..

نجلاء : اخاف اجي يوم ماشوفك ...

احمد : هااا يانجلاء حنا وش قلنا فكري باليوم عيشي يومك وماتدري وش لي الله كاتبه ..

نجلاء هدت شوي وضلت ضامته لحد مانام .. ماتركته لحضه تخاف تفقده هذا زوجها و حبيبها ونبض قلبها كيف ماتخاف عليه.. هالليوم هذا شايله همه طول الوقت وشاغل تفكيرها ..