[bint aboha]

المشاركة الأصلية كتبت بواسطة juninho السلام عليكم =) أنا جونينهو دوبي مسجل هنا في الفوروم و حبيت تكون أول مشاركة ليا تعليق على نظام الانجليش في الجامعة و على بعض الأشياء اللي راح أمر عليها تباعاً <<< كدا يعني بمر أو تباعاً هههههه بالفعل أمر غريـــــــــب جداً أنه الجامعة و في هذه المرحلة بعد سنوات من تطبيق السنة التحضيرية و هيا إلى الأسبوع الأخيــر في السمستر الأول مهي مستقرة على نظام لتوزيع الدرجات السنة الماضية الانجليش كان ساعة في اليوم <<< على حسب ما سمعت هذه السنة تلاتة يعني تغيير النظام و تم اعتماد قرار فيه زيادة لعدد الساعات في اليوم لكن الأمر المثير في السخرية أنه ما تم اعتماد نظام لتوزيع الدرجات مو بس بعد بداية الدراسة ... ما تم اعتمادهـ إلين آخر يومين في السمستر الأول =) <<<< دحين دا كلام يا معالي دكتورنا العزيز أسامهـ طيب أنا متأكد انك راح تقول لأ و أنا معاك و أقول لأ و ألف لأ دحين نجي لنقطة تانية =) أي جامعة في الدنيا نظام التدريس فيها لازم يكون نظام اكاديمي عالي المستوى . و كل ما كان النظام ماشي بشكل علمي أكتر و بشكل اكاديمي و احترافي أكتر كل ما قلت الأخطاء . الكل موافق على كلامي أكيد و كثرة الأخطاء تدل على ضعف الأداء و التخطيط و ... إلخ فكيف اكتر جامعة عندها اعتمادات في العالم العربي الأخطاء فيها متكررة دوماً ؟! أنا ما أتكلم على خطأ في تصريف مكافآت أو شي أنا قاعد أتكلم على أساس تقييم الطالب في لسنة التحضيرية اللي استحدثت أصلاً لتقييم الطلاب للأسف في كل أختبار يكون فيه مجموعة أخطاء في الاسئلة فكيف جامعة محترمة يكون فيها أخطاء في أسئلة الاختبارات في كل اختبار ؟! نجي لنقطة تانية في الاختبارات ... الطلاب اللي يكون حظهم حلو و عندهم اسئلة غلط =) يآخدوا درجة السؤال .. طيب دحين السنة اللي صارت علشان نقييم الطلاب تكون فيها درجات لأنه حظك حلو و جاتك اسئلة غلط ؟ يمكن الطالب دا لو كان عندهـ الأسئلة صح بدون أخطاء ما كان حلها و مع ذلك يآخد درجاتها .. و مع ذلك الطالب التاني اللي عندهـ نموذج " للأسف " مافيه خطأ ما استفاد من عرض الدرجات اللي كانت مسويته أسرة المادة يعني المفروض يا تتحملوا غلطكم و ما تظلموا أحد و تزودوا كل الطلاب يا إنه تكلفوا على نفسكم وتراجعوا الاسئلة شوية و توفروا على نفسكم المواقف المحرجة دي النقطة التالتة و الأخيــرهـ =) شي انا أقترحهـ على ادارة الجامعة لأنه شي في مصلحة الطالب و بما أنه ما وجدت الجامعة إلا علشان الطلاب حبيت أقترحهـ و أشوف رأي الطلاب فيهـ في جامعة الملك فهد للبترول و المعادن معتمدين نظام حلو علشان يوزعوا التقديرات مستخدمين نظام المعدل "average " كيف عمل هذه الطريقة ؟! أنا أقول لكم الطلاب يدخلوا و يختبروا و كل شي عادي بعدين تتصحح الأوراق و تطلع الدرجات بعد ما تطلع الدرجات يشوفوا معدل درجات الطلاب و لنفرض انه 16.55 من أصل 30 درجة إللي يآخد درجة المعدل أو درجة قريبة منه يكون جيد أو جيد جداً و اللي ياخد درجة فوق المعدل يكون ممتاز يعني الـ a و الـ b و كدا حسب مستوى الطلاب مو حسب الاستاندر يعني مو من 100 لـ 95 a+ و كدا أبغى رأييكم في دا النظام لو سمحتوا و آسف لو كنت طولت عليكم بس دوبها جاتني فكرة المشاركة في المنتدى =) و لو أحد يعرف متى ممكن يكون لقاء معالي الاستاذ الدكتور أسامهـ صادق طيب مع الطلاب من جديد اتمنى انه يفيديني لأنه متشوووق له جداً

وعليكم السلام ياأخ جونينهوا هذا لاعب ف ليون صح << منسمه

المهم صح كلامك أنا والله كليات كثيره قبلتني عندها أهليه طبعا بس الموارد البشريه تدفع بدالي

وأنا أكمل دراسه بس إذا رسبت لاسمح الله طبعا وبديهيا لازم أرد لهم أموالهم اللي خربتها ع

الله يخليلنا حكومتنا الرشيده طيب نظام الدراسه عندهم كيف ؟ أول ماتدخل تدرس طبعا تاخذ

6 شهور اللي هيا الترم الأول إنجليزي كأنك تتخصص إنجليزي وبعدين الترم الثاني تأخذ اللي

تبغاه طبعا اللي كان متاح للطلاب والطلبه هوا التمريض والصيدله بس نعمه الحمد لله بس لمن

قبلتني جامعه عزوز قلت خلاص حكوميه أضمن من أهليه كمان المشكله الورقه اللي أعطوني هيا

كان فيها تعهد حلو بس كان مكتوب بالقلم أتعهد بأن أتكشف يعني ماأغطي بس أنا رفضت وقلت

لأهلي والله أجلس ف البيت أحسن من الذل هذا ولا تقولي إحنا ف دوله عربيه مسلمه ماحد

يقدر يقولك إكشفي ياعمي روحي باللي مايردكم الحمد لله ع كل شي الله يوفقنا يارب ويسهل ع

تقبل مروري