[majnonaka]

السلام عليكم ورحمه الله وبركاته
اخواني في الله واخواتي في الله ان شاء الله ربي يوفقكم في حياتكم العلميه والعمليه
عندي استفسار وياريت احد يساعدني او يوجهني للطريق الصحيح ....؟
انا متخرج من الكلية التقنيه قسم ميكانيكا تخصص محركات ومركبات وبعدل 2.99 من 5
ولاكن دام على تخرجي الان 6 سنوات ولا حصلت وظيفه واصلا علشان نسبتي كانت تعبانه في الثانوي ما حصلت الا ها الطريق وتورطت فيه وصراحة مليت من حياتي ومن ها التخصص الي ماكان اصلا افكر فيه ولا اهتم فيه بس علشان الاهل قالو لا تقعد عاطل خش باي شي وهذاني خشيت وتخرجت ولا حصلت شي والحمد لله على كل حال ... ولا احب ان اطيل عليكم
ابي اغير مسار حياتي ابي قسم ادخل فيه وانا راضي عن نفسي وصراحة انا احب واعشق اللغه الانجليزية ويقولون صعبه ووووو ولاكن انا احب ها التخصص وابي اتعلمه وابي اصير مثل بقيه الناس الي يتكلمون انجليزي يا اخوان والله قهر يوم تكون مسافر او في مكان من ها الشركات وتسمع اثنين يقرقرون انجليزي وانت جاهل ما تفهم شي والله تحس انك منت عايش بها الدنيا ومن هذا المنطلق عزمت على نفسي وشمرت عن ساعدي لاقول لنفسي العلم نور والجهل ظلام وان شاء الله راح ابداء صفحه جديده بحياتي العلميه والعمليه ... وكما تعرفون الحين اكثر التقديمات في كل القطاعات لازم انجليزي تحدث وكتابه وتكفون ابي توجيه صحيح لهذا القسم او التخصص ...
يعني ان شاء الله اذا تخرجت بإذن الله من اللغه الانجليزية انتساب بحصل احد يستقبلني وبعد تعبي هذا كله ومشواري الطويل فيه بحصل فايده ان شاء الله ولا كيف اتمنى انكم تفهموني وتردون علي وتريحون قلبي المعلق في ها القسم .... وآسف على الاطاله ولاكن ما اقول الا الله يوفق الجميع ان شاء الله وتحصلون وظايف تناسب كل واحد حاب يغير حياته للافضل .... تحياتي للجميع ودمتم بإذن الله سالمين ....
اخوكم عصام