رد: مين افضل دكتورة او استآذة محآسبه؟..
اهلين بنات
انا اخذت دا الترم محاسبة 101 مع عهد زعيتر هي جديدة لسه ودا اول ترم لها تدرس دوبها متخرجة
انا لمن سمعت انها كدا خفت قلت اكيد ماتعرف تشرح
بس عن جد يابنات الاستاذة دي مره عسسسسسسسسسسسسل الله يسعدها دنيا واخرة
يعني هي شرحها متوسط بس تفهمي عليها و أخلاقها عاليه ومرررررره طيبه وتراعي البنات
واللي تشوفها تهتم بالمادة تساعدها انا كتير مرات وانا بختبر انسى اشياء تمر هي ع ورقتي وتنبهني عليها ماتبغاني اغلط وكمان اذا شافتك مهتمة بمادتها تعطيكي بونس
والله عن جد ذووق فكرت اخذ معاها محاسبة 102 بس المشكلة انها جديدة واسمها ماينزل بالشعب
بس اللي تبغى تاخذ معاها تروح غرفتها وهي تضيف لك المادة
اخذت معاها 60 من 60 بس الله يستر من الفاينل راح يكون موحد ودا اللي مخوفني
كمان سحر صحبتي تاخذ معاها تقول شرحها متوسط واسئلتها حلوة وتعاملها كمان حلو
ريم صقر شرحها مرررررره كويس بس تعاملها زززززفت وابدا ماتراعي في الدرجات
|