رد: فرنسي واورال ( مستوى اول )
وعليكم السلام ورحمة الله وبركاته..
غاليتي بالنسبه للفرنسي اذا كنت 1 على ما اذكر كانت الأسئله قليله على انها من 40 درجه ..
جاتنا قطعه وعليها أسئله ..
وطبعا سؤال من عده فقرات عن تصريف الافعال << بالذات الافعال الشاذه ركزي عليها ..
وفي سؤال على ما اذكر عن اكتبي برقراف عن نفسك ...
في سؤال حق الجرامر و الارتكل le, la, les, un,une,des..
وعندكم درس اللي هو اذا الدوله او المكان مذكر او مؤنت او جمع ايش تحطي من حرف جر واذا اسم انسان ....ومن هذي القاعده تجيب لك الفعل تصرفيه بعدها على حسب الاسم اللي بعدها تختاري الحرف المناسب..
وركزوا على الباب الخامس كثير حق الصفات مذكر او مؤنث اكر جابت لنا الكلمة وطلبت مننا العكس حقها اللي هو الجدول الطويل ..طبعا اذا جابتها لك مذكر يعني هي تبغى المؤنث والعكس..
حاولي تركزي على هذا الدرس وبالسبيلنق مزبوووط..
هذا تقريبا اللي يحضرني في الفرنسي لانه مو معاي الكتاب حاليا عشان اتذكر بس اي استفسار عندك انا حاضره بإذن الله..
بالنسبه للاورال اذا كنت اورال 1.
بيكون ان شاء الله يوم الاثنين 17/2/1431من الساعه 10:30 الى الساعه 12:30..
هذا المكتوب بالجدول لان محاضرات الاورال تتبع وقت المحاضره في الجدول النهائي..
اما مكان الاختبار فبتلاقيه عند قسم اللغات الاوربيه في مبنى الجوهرة معلقين ورق هناك تعرفي الغرفه..
اعتذر عن الاطاله ..
ووفقك الله وسدد خطاك وجميع الطلاب والطالبات ..
دمت في رعاية الله وحفظه..
|