[وافي إحساس]

أخواني طلاب الإنتساب

السلام عليكم ورحمة الله وبركاته ،

يسهر الطالب ويذاكر
من أول الصبح لباكر
كل همه أنه يجاوب
ينجح ويكون شاطر

يتفاجأ بسهولة السؤال
ويحل الجواب في الحال
وينتظر تصحيح دكتور
ليرتاح ويهدي البال

وبعد طول إنتظار
يدخل ويشوف وش صار
يتفاجأ برسوب في المادة
يطلع حزين ومحتار



عجب يا ثقافة والله عجب .. أنا بفهم الواحد يذاكر وإلا ما يذاكر .. المشكلة إن ذاكر بيجيب درجة متدنيه .. وإذا ما ذاكر برضوا بيجيب نفس الدرجة .. هل المشكلة في الطالب أو المشكلة في الدكاترة أو المشكلة في المادة نفسها .. او المشكلة في الهنود اللي يبيعون الأقلام .. بصراحة انا محتار أبي اشوف وين المشكلة علشان اتفاداها في المراحل الجايه .. من حسن الصدف العجيبه .. أني اخذت في مادة الثقافة الإسلامية 2 الترم الماضي 68 وانا مستعد لها تماما ومتأكد من الحل ومراجع بعد الامتحان .. لكن قلت مو مشكلة غلطة وبصراحة انا في الرياض وماني فاضي اجي اراجعهم علشانها اهم شي النجاح .. وسبحان الله الترم هذا محضر للمادة من بدري والأسئلة كما شاف الأخوان سهلة يحلها الواحد بدون ما يذاكر .. جبت نفس الدرجة 68 .. بصراحة ذكروني بموظفين شركة الكهرباء ( القراء ) إذا جو لمنزل المشترك وصار مالهم خلق يقرون العداد .. حطو نفس القراءة السابقة .. خخخخخخ .. بصراحة عجب والله عجب

انا ما ابي أظلم أحد ولا أتعدى على أحد .. لكن أبي أشوف وين الخلل .. علشان نعالجه .. وأكيد بيطلع واحد من الشباب وبيقول الخلل في الجامعة ..


عموماً الحمد لله على كل شي .. كان نفسي أرفع المعدل .. لكن الظاهر بقتل الطموح ذا وبحاول أجاوب حق النجاح وبس .. ليه أشغل نفسي واجتهد وفي الأخير تصحيح أي كلام ..