سلام عليكم ورحمة الله
كييفكمـ ياحلواات ؟
حاابه اطلب مسااعدتكم
انا ان شاءالله ححول السمستر التاني على تخصص علم نفس
بإذن الله <دعواااتكم
وحابه تفيدوني بأسماء أفضل الاستاذات
مع المواد اللي يدرسوها
أنا اخدت هالسمستر مادة علم نفس شخصية
لأنها موجوده في الخطه تبع تخصص دراسات اسلامية
واعطتني الماده في البداية ,استاذه نسرين ماعرف لقبها
بس كان شرحها حلو وتفهم ,,
بس لما جات تعطينا التكليف انصدمت لأنها مرره كانت مصعبتو علينا
بس ربي رحمنا وتغيرت الاستاذه
واعطتنا الماده استاذه حنان الشعفل
مرررااااا ممتااااازه الاستاذه دي مرره حبييتها
كانت حازمه معانا ,, بس كانت جدا مرااعيه البنات وداايما بتسمع لهم وتسمع طلباتهم
ولو اعترضوا على شي بتفهمهم الموقف ككل وانو اعتراضهم مو مقبول أو ممكن مقبول
مو زي بعض الاستاذات بيطنشوا البنات وتقولك لا وبس ,,الله يسعدها يارب
حتى شرحها مرره رووعه وتحررص انكـ تفهمي معها
هدولا الاستاذتين اللي درسوني في علم النفس
وقلت لكم رأيي فيهم
وفي استاذات اعرفهم في علم النفس برضو
بس اعطوني دورة مهارات اجتماعية وكاانو جدا رااااائعيين
مدري ان كان في فرق في الكلاس ؟
وهم:
د. ليلى آل غالب
د. ايمان بيومي
د. مها سرور
د. مريم عثمان
برضو ماعرف اش بيعطوا مواد ؟
فالله يسعدكــم بناااااااااااااات
سااعدوني وافيدووني عشان اعرف اش اختار شعب من بدري
واكيد انتو عارفين اش مواد اول سمستر في تخصص علم نفس
أختكم
نجود