[Banderito]

يا أخواني الطلاب ,, ويا أخواني الطالبات ,,
أرجوكم ,, ارحمونا شوي وفكونا الكلام عن موعد النتائج , صار ماعندنا حكاية ولا سيرة غير هالنتائج , فكونا من هالسيرة , وخلوها على الله عز وجل ,, والله يوفقنا وإياكم .. آميييييين.
وخلونا نتكلم في اشياء أكثر فائدة ونتبادل المعلومات المفيدة ونبتعد عن الاساءة للجامعة وللدكاترة واللي حطوا الأسئلة لانه كلامنا بهالطريقة ما حيجيب نتيجة ابدا ,,,,
وخلونا نعيد حساباتنا من جديد ونأخذ دروس من الأختبارات اللي راحت, وخصوصا اننا في أول المشوار, يعني اللي ما ذاكر ولا فتح الكتاب الا ليلة الامتحان أواللي راح ليلة الامتحان وشرا له مذكرة مجاملة وقلبها شوي وطفش قام حذفها مثل حالتي .
ينتبه (وانا أولكم) ويحاول يبدا من اليوم يذاكر ويشد حيله ويهتم شوي عشان مانخسر فلوسنا وأوقاتنا على الفاضي يقرأ ولو على سبيل التسلية وقضاء وقت الفراغ في المواد المقررة له حاليا في الترم الجديد وننسى الترم اللي راح بخيره وشره , ونفكر في الجاي وبس . اما الناس اللي يقول انا داخل الجامعة عشان أجرب نفسي اذا مشيت كملت واذا ما مشيت تركتها خطأأأأأأأ تفكيره كذا لان الرسوم اللي دفعها مو شوي عشان يصرفها كذا كان أولى به انه خلا فلوسه معه واستفاد منها بأحسن من كذا وبشي أهم من كذا, وان كنت اشوف انه صرف المال في العلم مو خسارة ابدا للي فعلا يبغى يتعلم وعسى الله ويرزقنا و يساعدنا على تحمل هالمصاريف ,, آمييييين
والا اش رأيكم ؟؟ واللي عنده نصيحة لنا لا يبخل علينا ....