الفكرة انو نفيد و نعلم بعضنا الانجليش
يعني اي شخص مو فاهم حاجة يجي و يطلب و اي واحد هنا يشرحها له
و اي واحد فاهم حاجة من القاعدات على حسب الليفيل اللي هوا فيه
ياريت ينزلها هنا
و كمان الفوكابلري انا لقيت انو الاختبارات اللي راحت كان فيها فوكابلري من ليفيل 4
من عندنا يعني
و كمان الاختبار اللي امس كان فيه قاعدات من عندنا
و عشان كدا لقيت بنات كتير شايفينو صعب مع انو انا شايفتو كان سهل
ف قلت ايش عليه نفيد و نستفيد
و كمان مو شرط بنات ليفيل 4 يكونو فاهمين قاعدات الليفيلات التانية
يعني كوووولنا زي بعض مافي احد غير عن احد
و بس دا هو الموضوع
و طبعا اكييييييييد بعد الاجازة مو داحين
مين راح يبيع اجازتو هههههههه(^_^)
انا ما اقترحت هالفكرة الا لأنو المس حقتنا قالت انو المادة الوحيدة اللي تعيدي فيها ترم هيا الانجليش
و كووولنا عارفين انو في بنات معانا معيدات وبس
تحياتي..