[رمروم]

بالنسبة للواسطة او الرشوة فيه ناس قالو انها في حكم واحد وفيه ناس اختلفو فيها ماعلينا
الحياة الزمن ده صارت صعبة يعني مثلا تروح تدور على وظيفة اذا ماعندك واسطه ماتشتغل وحتى زي ماتفضل الاخ القبول في الجامعات لكن مادام انو عارفين انو لازم واسطه وغيرها يااخي شد حيلك واعمل اللي عليك
انا مرت معايا تجربة ماانساها لانو لسوء حظي في الثانوية في السنه اللي كنت فيها ثالثة ثانوي صدر قرار النسبة التراكمية الهبلة دي وطبعا احنا الين نهاية الفصل التاني واحنا على امل انو القرار يطبق في السنه اللي بعدها ورحنا اختبرنا واحنا نقول يارب ماينحسب وطبعا ادارة المدرسة ما عندك احد .
المهم وتطلع الدرجات وتطلع النسبة 81 واللي فهرني اني حسبتها بالنسبة القديمة وطلعت 88 شوفو الفرق بس
وتوكلت على الله واختبرت القدرات حقهم ده ويشاء الله اني ادخل كلية العلوم وبعدها وافقو اني اروح الهندسة بس رحت لقيت زحمة في عمادة القبول والتسجيل تقول طابور تميز في رمضان عند القرموشي
انا نفسي اعرف بس لمتى والطلاب مايتعلمو النظام
ياسيدي توكل على ربك في كل وقت وهو ان شاء الله ماراح يضيع لك حق لو كنت تستاهل