[امـــيرهـ]

ســيــرني إحســاســي





اليوم أنا في واقع الحب مآسور

وأنا الذي كم قلت ما ابغى اتباعه
سيرني إحساسي بدربه يبي النور

يبي كلام الحب يبغى سماعه
احد ٍ سلك دربه سعيد ٍ ومسرور
واحد ٍ لقى بهالدرب قصة ضياعه
كم واحد ٍ قبلي شكالي ومقهور
واحد ٍ يقول الحب غاية متاعه
وأنا بعد بشكيه والحال مكسور
وأبشتكي من خان ودي وباعه
اللي تركني في همومي وديجور
وأخفى بريق النور عني وشعاعه
معقول ماعنده أحاسيس وشعور
وشلون مايقدّر يصون الوداعه
خلاص أنا بنساه غصب ٍ ومجبور
قررت مادامه نوى للقطاعه
______________________________________________