[R-Kh]

المشاركة الأصلية كتبت بواسطة مياسة العود قصدك كيمياء حيوية غير عضوية مع د.أماني اذا قصدك ذي المادة انا اقولك هيا سهله شكلا لكن المتعب الحفظ لازم تحفظي حرف حرف كلمه كلمة فقره فقره والأسئلة كلها شرح وفراغات من وسط السطور غير كدا اول اختبار عليه 10 وتاني اختبار عليه 20 والفاينل 40 يعني بيدها ثلاثين درجة كل محاضره اول 5 دقايق تختبرك في المحاضره السابقه ولا زم تختبري اذا راح عليك الاختبار راحت عليك الدرجه غير كدا تجلسي برعب طول الاسابيع وقد ماتحفظي كل شي يطير وقت الاختبار الماده حطمتني لين ماقلت آمين بس ما ابغى افجعك في بنات يمشو بالحفظ و مشيو بالماده اذا كنت بالحفظ 100% خذيها اذا لا اتركيها

ميوسه شكلك ملخبطة
ما كانت 30 في يدها
15 وكانت على 4 كويزات اخدت افضل 3 منها
الدوري الاول 15 التاني 20 والكويزات 15 الفاينال 40م
والواجبات 5 الاول عليه 3 والتاني 2 مجموعهم 5
//
هوا المفروض في دوري تالت
بس عاقبتنا وخلتها 4 كويزات
نتذاكر ونحفظ
بس المشكلة في ربع ساعه او 10 دقايق تبغانا نكتبها كلام دش
وطبعا الواحد بينسى نص الكلام من الربش
//
الاسئلة نوعا ما معقولة لو ذاكرتني كويس
عيبها انها مقالية وتبغاها بالنص زي الملزمة ما تقصي شي
بس الواحد يقول كلمة حق انها ما تظلم احد
حقك تاخديه وما تنقصلك درجة
..
:)