رد: اتركها او اكمل ؟
السلام عليكم اخوي
شوف انا مااعتقد ازا انته رسبت بمادتين ماراح تقدر ترفع المعدل
يمديك ترفع معدلك براحه حتى ممكن تتخرج بامتياز لو جبت درجات كويسه في باقي المواد يعني +b وانته طالع
يعني شوف انا رسبت قبل كده في ماده وحده في اول مستوى ليه << وكان كف محترم اختو على وجهي >_<
بس الحمد لله باقي المواد بعد كده من بداية دراستي الى السمستر دا كلها كانت فوق الـ +b الا مادتين
وانا دحين في المستوى الخامس ومعدلي فوق الـ 4 الحمدلله
فمن وجهة نظري
انك تسحب وترجع تسجل تاني في نفس الجامعه فيها خسارة فلوس << حتى لو انته الحمدلله مقتدر الـ 3000 ريال دي الي تبغى تدفعها تاني ممكن تاخد بيها دورات وراح برضو تفيدك في مجال شغلك يمديك تاخد انجليزي كمبيوتر او ادارة الجوده الشامله وغيرها من الدورات الي راح تساعد في تويرك الوظيفي
وقبل كده خساره في الوقت الواحد كم سنه عندو في عمرو كلو
صح انته رسبت في مادتين بس عندك مواد تانيه الحمدلله نجحت فيها يعني ماضيعت سنه بكاملها على الفاضي
لاتخلي مادتين تحبط من عزيمتك يعني لو انته دحين شديت حيلك وخطت من بدري وتوكلة على ربنا ان شاءالله معدلك راح يتحسن وتتخرج بامتياز كمان بس من غير مرتبة الشرف :( دي راحت علينا للاسف
وانا برضو مع كلام طموح انو المعدل كمجال وظيفي مو مره مهم في الجهات الخاصه بس ازا انته حابب تكمل بعد كده ماستر ساعتها بيكون مره مهم
وطبعا في النهايه دي وجهة نظري انا من واقع تجربتي
وانته استخير ربنا قبل كل شي وشوف الاصلح ليك انته والي يناسب ظروفك وقدراتك
واسفه طولت عليك ان شاءالله اكون افدتك ولو شويه
وبتوفيق
|