[لمبة خضرا]

[align=right][align=center]

كيفكم بنات ان شاء الله بخير

اليوم بكتب لكم تجربتي مع المواد وان شاء الله تستفيدوا ....... بسم الله راح ابدأ من البدايه

Reading 1

اخذتو مع مس الاء المحمدي كانت كويسه تديك حقك من دون زياده ولا نقصان وغير كذا لو اجاباتك يعني تديها بالمفهوم ما تديك درجات يعني والله افتكر مرا اختبار دوري جابت لنا سؤال عن main ideas عطتني زيرو من عشره لانو بس مو اللي في بالها

writing 1

برضو مع مس الاء المحمدي نفس الحكايه تصحيح دقيق يعني ما تديك الا حقك بس الحمدلله عديت المادتين معاها

oral 1

اخذتو مع د. صفاء منصوري مررررررا كان حلو معاها الكورس وكانت تدين words list نحفظ الكلمات وتختبرنا فيها يعني تاخذي A معاها بس اللي سمعتو انو اتقاعدت .

reading 2

اخذتو مع مس نسرين الحربي كانت حليوه يعني مو مرا في الشرح وكمان تطلب تقرأين قصه وتسوي عنها برزنتيشن الحمد لله عديت الماده معاها بسلام

writing 2

اخذتو مع مس حنان جبر يا ناااااسو عليها هذي الانسانه تبسطلك المااااااااده وما تخوفك ابدا ومرررا تساااااعد وكمان زيها مس مايا يعني وين ما تحصلوا ماده معاهم خذوها بدون تفكير

oral 2

اخذتوا مع مس هيفاء الروقي مرررررا تيجنن كانت طريقتها انو تسوي 3 برزنتيشنز وكمان كل اسبوعين تسلمي listening log وطبعا هذي انو تشوفي اي برنامج طبعا انجلش وتسوي زي الريبورت عنو وفي النهايه توزع علينا ادوار من مسرحيه او مسلسل وتروحي تحفظي دورك في البيت وتجي تمثليه عندها يعني مرا حلو الكورس معاها واسئلتها في النهائي مرا حلوا وواضحه [/align]

intro. to literature

اخذتو مع مس رشا قزاز مرا كويسه واختباراتها حلوه يعني لا يغركم كلام البنات اللي تذاكر اول بأول والله تجيب معاها A كمان مو بس تعدي الماده بعدين مرررررررررررررا ارحم وبكثيييييييييير كمان من سهام ادتنا سته قصائد بس ثلاثه في الدوري وثلاثه في النهائي وادتنا اظن ثلاثه ستوريز ثنتين في الدوري وثنتين في النهائي ومسرحيه وحده وكلها مرا سهله يعني الستوريز تقريبا كل وحده ثلاث ورقات والمسرحيه مو طويله مرا يعني لو ذاكرتي اول بأول وكتبيتي كل شيء معاها تحلي ....اسئلتها كلها من شرحها في المحاضرات .

واسئلتها السؤال الاول فراغات و كمان ثلاثه اسئله essay بس دائما تقولنا بالكثير 10 اسطر
وشرحها حلو بس سريعه شوي واذا ما لحقتي معاها في الشرح روحي لها مكتبها مرا حبوبه وتحب اللي يسألها .

intro. to linguistics

[/align

]
اخذتو مع مس الاء بصرااااحه شرح ولا اروع مرا حلووو شرحها ومحاضراتها مرتبه طبعا سلايدات واسئلتها واضحه بس تحب الاجابات المكتمله يعني هيه تكون حاطه اجابه معينه في راسها ولازم انتي تكتبيها كامله الفراغات تلعب شويه بالمفردات اسئلتها متنوعه يعني فراغات ومقارنات ودفينيشينز هذي لازم في كل اختبار وعلى حسب كل سيكشن تتنوع الاسئله الثانيه بصراحه في بنات جابوا معاها درجات مررررررا عاليه [B]بس السر يكمن في المذاااااااااكره اول باول والله يا بنات ما يهم تاخذي الماده مع مين اهم شيء تذاكري بضمير [/

Translatin

مع مس خديجه با وزير بدوووووووووووووووووووووووون تردد مرا انسانه عسل والكورس معاها مرررررررررررا خفيف وحتى اختباراتها تيجنن وسهله ومكرره يعني لو تتعرفي احد قبلك اخذ معاها خذي الاوراق والله تجيبها حتى بنفس الصياغه وكمان تطلب تسوي مشروع و تعلي للمشروع برزنتيشن كمان ... لا تخافوا من حكاية المشروع اذا ما عندك فكره هيه تديك ... والمشروع يكون اما ترجمه للعربي او ترجمه للانجلش ... والفاينال مررررا كان حلو وسهل واهم شيء التكستات ما تجيبها طويله بالعكس قصيره وسهله .........
وبس هذا كل شيء في جعبتي ان شاء الله نهاية السنه اقولكم تجربتي مع
phonetics / morphology/syntax/fiction
واللي الحين عندها نصيحه لي بخصوص هالمواد ياليت تساعدني
واللي عندها اي استفسار عن المواد اللي اخذتها تاااااااامر
اختكم لمبـــــــــــــــ خضرا ـــــــــــــــــــــــــــــة >>>>> ادعوا للاخضر يفوز بكرا