[dr.CILIA]

وعليكم السلام ورحمة الله وبركاته

اهلا وسهلا بكِ اختي سلطانه

اشكر إطلاعك على موضوعي واتمنى تكوني استفدتي

بالنسبه لأسئلتك:

1-التشريح دايما يشكل عقبة خوف في وجه كل المتقدمين للطب ولكن انا اشوف انه عادي يمكن في البدايه الامر له رهبه بعد كدا مافي اي مشاكل خصوصا انك قد شرحتي قبل كدا وكمان اغلب العينات اللي عندنا الدكاتره يشرحوها وبعدين احنا بس نشوفها يعني مانشرح بنفسنا الا في مرات قليله

2:كلية الطب ليست كـ باقي الكليات، فبمجرد القبول فيها، يدرس الواحد منـّا الطب البشري عامة، ليس هناك تخصصات بعد القبول و إنما بعد إنهاء البكالوريوس .. مدى صحة ما قلت !

كلامك سليم مافي تخصص الا بعد سنة الإمتياز(اخر سنه في مرحلة البكالوريوس).

3: المرضى! في سنة الامتياز و ما قبلها .. هل تطبقون على أمراض تحتمل الموت و الحياة بـ مجرد دواء يوصف ! أم على حالات بسيطة ! " هذه الفكرة أحد الأسباب التي تمنعني من الطب - كيف إن أخطأت في وصف علاج و مات ذاك الشخص بـ سببي -- كيف أنقل خبر وفاة - و الشيء الكثير من هذه الأسئلة "

في سنة الامتياز ومابعدها نطبق على جميع المرضى لأنه بفضل الله تكون لدينا المعلومات الكافيه للتعامل مع اغلب الحالات وكمان باب الاستشاره مفتوح والدكاتره والاستشاريين متوفرين طوال الوقت يعني ماحتكوني لوحدك مع مريض ابدا وبعدين الموت والحياة بيد الله عزوجل الطبيب ودوائه مجرد اسباب ولكن امر الله نافذ لامحاله وبالنسبه اذا توفي احد في طرق معينه ندرسها لنقل خبر الوفاة لأهل المريض
ابدا لا تخلي هذا السبب عائق لك عن دخول الطب فاالأخطاء وارده في كل مجال صحيح يمكن غلط الطبيب في أغلب الأحيان لايغتفر لكن احنا بنسوي جهدنا والله كريم.

4- الطب العام هو 7 سنوات غير قابلة للضغط ولا التنقيص ولا حتى في اترام صيفيه اساسا للتخفيف هذا في السعوديه ودول الخليج يمكن في امريكا وبريطانيا يختلف الوضع!

5: هل هناك أي شكل من أشكال الاختلاط في الدراسة ! " الوالد غير مقتنع تماماً بـ الطب كـ تخصصٍ لي !

أختي لاأخفيك أنه من مشاكل دراستنا الإختلاط طبعا الاختلاط مو في قاعات الدراسه لا في الدراسه احنا منعزلين تماما عن الرجال ولكن في جو المستشفى يعني زي لما تروحي مستشفى او اي سوق كيف الرجال والنساء ماشيين احنا نفس الشي وطبعا الدكاتره الرجال يجو عندنا في القاعات ويشرحوا لكن اختلاط مع الطلبه مافي بلل بالعكس الجامعه حاطين الجداول شبه منفصله يعني نكون احنا في ماده واولاد دفعتنا في ماده ثانيه واذا اجنا ندرس في دور هم يدرسوا في دور ثاني يعني عزل تاااام

وبالنسبه للوالد حاولي تكلميه وتقولي له ان لو كل اب منع بنته من دراسة وهي عندها الكفاءة للدراسة اجل فين حنروح احنا الحريم وفين حيروحوا امهاتنا وبناتنا من جد ترى عندنا الطبيبات جدا عددهم قليل وحتى الموجودين ماهم دايمين وكمان في تخصصات اصلا مافيها ولا دكتوره عندنا مرره يعني احنا محتاجين دكاتره واذا على الإختلاط الإختلاط في كل مكان وكل شخص حسب مخافة الله في قلبه وكيف تربى في بيت اهله

واخيرا اعتذر جدا على الاطاله واتمنى اكون افدتك
الله ييسر أمورك ويختار لك مافيه الخير لك في الدارين