اهلين خيتو...
حبيبتي إنتي فين في الجامعه ولا في السليمانيه "الفرع" لانه انا في الفرع ونفس حالتك بس انا الحمدلله مافاتني الا اختبار الكيمياء ورحت اليوم وسألتها وقالتلي لما دحين ماتحدد الموعد وسألتها وقلتلها متى تتوقعي حيكون قالتلي والله ماقدر اقولك وماقدر احدد بس انا ححط ورقه عند غرفتي وانتي تعالي تابعي .. وقلتلها طب تحطوها قبل الاختبار بفتره يعني نقدر نذاكر قالت ان شاء الله نحطها قبل اسبوع من الاختبار يعني ماقدر احدد لك الا لما يقولولي متى حيختبروكم وبعدين في الاخير قالت يمكن يمكن يكون الاسبوع الجاي ..يعني ماخذت منها لاحق ولا باطل اليوم رايحه بس عشان أسأل عن موعد الاختبار ورجعت بدون فاااااايده .... بس مررره ماسمعت انو حنختبر مع طالبات السميستر الثاني اتمنى ياأختي انك تتأكدي من الخبر لأنو مررره ماينفع حتى احنا حيكون عندنا اختبارات يعني لو كان الكلام اكيد يسير نشتكي قبل ماتروح علينا .. والله يوفق الجميع ياآاآرب