[حنين الود]

الفكره احسها صعبه شويه وبنفس الوقت فيه بنات بيستفيدوا من المواضيع الي بيطرحوها الطلاب والعكس صحيح عشان كدا ياليت يوضع موضوع متجدد للإستفسارات ويتقفل كل شهر مثلا أو اسبوع على حسب الصفحات ويفتح جزء جديد (لانو بصراحه شي عجيب الي بيصير في المنتدى ماشاء الله المنتدى اشتهر وصار فيه ناس كتير مو زي أول وغير كدا لازم الواحد يرتقي للأعلى ويجيب أفكار ويتجدد دايما (المنتدى بعض الاحيان والله حالته تقرف من المواضيع التافهه والي محد يستفيد منها )ولو حابين احط روابط بالمواضيع الي محد بيرد عليها ولا بيدخلوها مستعده <مخربتها
يكون فيه تجمعات لكل ماده ويمنع فتح مواضيع تخص الماده غير الموضوع تبع التجمع وبكدا نخلص من يابنات ماعرفت الواجب وماني عارفه ايش والمواضيع الكتيره والوحده لو محد رد عليها تعاند وتفتح موضوع يعني حتردوا حتردوا على بالهم مافيه اهتمام ولا احد راح ينتبه لما يكتبوا الموضوع في الاستفسارات انا طلعتلي قرون قبل الجداول عشان الشي دا حطيت موضوع للتجارب عشان ماينفتح مواضيع ايش رايكم ايش رايكم وفتحت موضوع لترتيب الجداول عشان نرتاح وبرضو للمواد الحره ورغم كدا بيفتحوا مواضيع فعشان كدا كلنا نكون يد وحده ونحاول نجمع المواضيع سواء للطلاب لحالهم او البنات لحالهم يعني تجمع واحد للاستفسارات للبنات وواحد للطلاب ويمنع فتح موضوع للإستفسار فقط
1- فتح موضوع خاص بمواعيد الإختبارات ..لكل ماده واستاذتها
2- موضوع كل تجمع لأي ماده يكون بدايته مراجع تفيد الطالبات وأي موضوع تجمع من دون مراجع في البدايه تعطي فكره عن الماده ياليت ينحذف طبعا ليه ؟؟ عشان ياخدوا فكره عن الماده وتكون الصورة واضحه للجميع و يرتاح الجميع من كلمه من فين اذاكر او مراجع أو تجربه وغيرهاوبكدا نختصر صفحاااااااااااااااات كتير(أعتقد لازم نطور المنتدى يعني تجمعات وردود على الفاضي خلاص المفروض نتعدى المرحله دي ..اول حاجه التجمع يشمل (اسم الماده والدكتوره +الشعبه والوقت)
بدايه الموضوع تتضمن مراجع من قسم الملخصات+ أسلوب الدكتوره +توزيع الدرجات +نماذج اختبارات لو وجد..وأي تجمع طلابي مايتضمن الشروط دي ماأعتقد حيفيد الطالبات بطريقه فاعله فينحذف عشان ينفتح واحد أفضل منه(عشان الكل يتشجع يكون فيه مسابقة لأفضل تجمع طلابي )
3- حطينا موضوع بالنسبه للحضور والغياب والإعتذارعن المحاضرات ياليت الكل يلتزم فيه يارب ..عشان نرتاح من مواضيع عن استفسارات الحضور الدكتوره الفلانيه والكلام الفاضي..وبكدا نخلص من فئة أو عينة من المواضيع الغبيه الي مالها داعي ..
وعندي أفكار إن شاء الله احاول اكتبها هنا اليوم عشان تشوف النور قريبا ..