عرض مشاركة واحدة
منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
  #1  
قديم 24-02-2010, 10:07 PM

Randa39 Randa39 غير متواجد حالياً

جامعي

 
تاريخ التسجيل: Feb 2010
التخصص: طب وجراحة(خطة جديدة)
نوع الدراسة: إنتظام
المستوى: الثاني
الجنس: أنثى
المشاركات: 118
Smile مبتدئة حائرة.. تريد الاستفادة من خبراتكم


السلام عليكم ورحمة الله وبركاته نقرتين لعرض الصورة في صفحة مستقلة
كيف حالكم ان شاء الله كويسين
امممممم .......حدخل في الموضوع على طول.انا دحين تالتة تانوي علمي وافكر بعد ما اتخرج ادخل
المجالات الطبية لانو احسها ممتعة وتناسب ميولي ولكن انا محتارة نقرتين لعرض الصورة في صفحة مستقلةفكرت في الطب بس انا ما استحمل منظر الدم بس اكتر شي الهمني في الطب منظر الجنين في بطن الام سبحان الله
وخصوصا اني احب الاحياء وجسم الانسان والوظائف اللي يسويها.

وفكرت في الصيدلة ..بس اعتقد فيها كمياء كتير صح انا ما احب الكمياء كتير بس احسها ممتعة بعض الشي.
وفكرت في التقنية الطبية ..بس ما اعرف ايش تتضمن هيا زي العلوم الطبية التطبقية ولا لا وايش بتضمن الاتنين

وفكرت كمان في المجالات اللي مو طبية زي الهندسة المعمارية طبعا دا القسم مو موجود الجامعات الحكومية بس المشكلة بعد دراسة هذا القسم هل فيه وظائف للبنات في دا المجال .
واتمنى يا اعضاء تفيدوني بتجاربكم وخبراتكم وهل حبيتو دحين القسم اللي انتو فيه وايش تنصحوني اختار ومعليش تعبتكم بس بجد مرحلة ثالت ثتوي لازم اقرر فيها
والمشكلة مافي جهة في المدرسة بتعرفنا بكل الاقسام بس ان شاء الله ينفذو فكرة وجود مرشد اكاديمي في كل مدرسة ..عشان ما اعيش في الحيرة دي .

التعديل الأخير تم بواسطة Randa39 ; 24-02-2010 الساعة 10:11 PM.
رد مع اقتباس