[مستشار قانوني]

المشاركة الأصلية كتبت بواسطة ملاك بن هاشم يمكن لساتك ياأخ مستشار في المستويات الاولى .. انا خلاص على وجه تخرج وعندي خبرة .. ذاكرنا أول بأول سوينا كل شي معهم ولافي فايدة ..هذا الكلام مو عام على كل الدكاترة ..بس على الاغلبية اللي أخذت معهم .. الدكتور هشام اخذت معه 3 مواد والله والله ولا مادة اخذت حقي فيها وفي مادة من مواده توقعت 93 الاقي نفسي بالسبعينات فيه تحطيم أكثر من كذا ؟! بس كله عند الله مايضيع وفيه غيره وغيره على فكرة ..مسألة مستوى البنات لما تكون أفضل من الأولاد الاساتذة تصير عندهم مشكلة ويحاولو بقدر الامكان ينزلو من مستوى البنات وهذا الكلام مصرح جانا من دكتور ولاراح اذاكر اسمه .. بس اللي احب اقوله اننا البنات بما ان تخصصاتنا قليل بالجامعة فطبيعي يكون مستوى الطالبات أفضل .. لأننا نتكوم بهذي التخصصات اما الاولاد فأغلب النسب العالية تتخصص هندسة وطب والتخصصات الثانية بس محد يفهم هذا الشي ..

اول شي اختي انا دفعت 04 يعني قديم في الجامعه ولازم اكون قد تخرجت من زمان بس سحبت ترمين في الجامعه واعرف دكاتره كلهم واحد واحد واسلوبهم واحد واحد ...انا ما اقولك ما في ظلم في قسم موجود الظلم لكن قليل جدا ...وانتي حاطه في بالك فكره ان الدكاتره يطيحون من مستوى البنات طبعا فكرتك خاطئى اعتقد انتي درستي معي الترم اللي فات عند الدكتور حسين الشريف وعند د/ عبدالهادي الغامدي وكلهم دكاتره ما يعرفون الظلم لكن لكل دكتور طريقة في وضع الاسئلة وكل واحد يبغى اجابه محدده ... ومو معنى اذا جاك ظلم من دكتور محدد تجمعي جميع الدكاتره انهم ظالمين ... ولا تنسي انك طالبه في القانون وتعرفي كيف تأخذي حقك يعني لو انظلمنتي لا تسكتي على حقك سكوتك على حقك بحد ذاته يعتبر ظلم لنفسك وفي عندك اكثر من طريقة لتأخذي حقك في القسم ...
النقطة الثانية لازم تعرفي ان المذاكرة فن واذا قدرتي تعرفي فن المذاكره راح تعرفي تتميزي في الماده وهذا مبدي في الجامعه ...واما من ناحية التحطيم من وجهة نظري ما في شخص يحطم شخص اخر وانما الانسان يحطم نفسه بنفسه يعني لازم نكون واثقين من انفسنا مهما يتكلم الدكتور او اي شخص واذا في دكتور حاول انو يحطم فيكم او قال انوا مستواكم اعلى من مستوى الطلاب ويبغى ينزل من مستواكم هذا انسان مريض ولازم ما تسكتوا له على كلاموا ...وانا اعترف ان مستواكم اعلى من مستونا وهذا شرف لي بأني اشوف بنات بلدي في مستوى عالي ... ولمعلومية في كم دكتور ظالم عندنا وكل طلاب عارفينهم وهم ينعدوا على الاصابع وراح يستبعدوا في يوم من ايام
وارجوا انك ما تفهمي كلامي غلط ... واتمنى لك التوفيق والتخرج ...
اما من ناحية انوا ما راح تكوني محامية في يوم من ايام ... هذا بحد ذاته تحطيم لنفسك وقدراتك
لان راح يجي يوم ويفتحوا لكم باب المحاماه وتذكري كلامي في يوم من ايام ... وخصوصا تخصصنا جديد ومتطور في وقت واحد ... كما تعلمي ايضا ان المحامين في البلد لا يتجاوز عددهم عن 1000 محامي
وهذا دليل بأن القانون جديد ومطلوب سواء كان من طلاب او طالبات ... ودائم خليك متفائلة ...



اتمنى التوفيق للجميع