السلام عليكم ورحمه الله وبركاته......
كيفكم بنات؟؟؟؟
المهم بقولكم قصتي في البدايه عشان تفهمون الموضوع ونقدر نساعد بعض
انا من بدايه الترم الاول من لما قالوا تجديد بطايق وقلة حيا رحتلهم وقالولي مانزلت بطاقتك بس ان شاء الله هالاسبوع ورحت لهم بعدين 200 مره كل مره يقولون البنك يقولون هلاسبوع هاليومين هالمدري ايش ومره عصبت عليهم المسؤلات عن البطايق عند شؤون الانجلش قلتلهم ادوني رقم البنك اكلمهم قالوا ماعندنا ارقامهم انا طرطعت
قلتلهم كيف تتعاملوا معاهم وماتعرفوا رقمهم قالوا احنا اللي عندنا ارقام الموضفات الشخصيه ...قلتلهم طيب كلموهم اشتكولهم مننا خلوهم يحسون انهم رافعين ظغطنا كلنا قالوا طيب حنكلمهم ..ومره ثانيه قالوا روحي الجامعه خذي مكافاتك اللي مااستلمتيها قبل لايسحبوها ورحت واتشحططت من مبنى لمبنى عشان اجيب موافقه من المسؤوله الماليه ورجعت البنك وامسكي معايا يالطعه
3 ساعات لين جا دوري وادوني اوراق اوقعها من مكتب لمكتب لين جا الفرج
واستلمت مكافاه شهرين مع انه المفروض على كلامالمسؤوله اني باخذ مكافاه 3 شهور يوم قالتلي الصرافه انه شهرين بس مو3 قلت هات والله معاد ارجع وسالت عن البطاقه قالوا لمن تنزل يرسلونها ع شؤون الكليه قلنا تمام احسن من المشوره ورحت مره سالت حقت البطايق في الكليه انو ليش مانزلت بطايقنا ؟ قالت بطايقكم لسه بتجي من الريااااض <<< بالله هذا كلام؟؟ ليه وش تطلع البطاقه الذهبيه ولاالماسيه
المهم رحت مره اخرى اسال اذا نزلت ولالا قالت لا قلت طيب ماينفع احنا نفتح حساب ثاني وتتحول المكافاه عليه قالت لالالالا عصبت شوي وانطط
قلت طيب لاانتوا جالسين تتصرفوا ولا مخلينا احنا نتصرف قامت الحرمه تمطط براطمها ...انا ادري انه هم مالهم صلاح ولالي حق اني اعصب عليهم لان المسؤول هو البنك الغبي بس ايش اسوي ماقدامي الاهم اتفشش فيهم والله اني صرت استحي اروح اسال عن البطاقه منكثر ماسالت عنها قمت اخلي صحباتي يسالونها اخر مره قالوا هاتي رقمك واسمك واذا نزلت بطاقتك بندق عليك واعطيتهم وانا عارفه انه بس بيصرفوني طفشوا من خلقتي كل يومين وانا طابه عليهم ..ووحده تقول بننزل الاسماء لمن تنزل البطايق ودام ماتلقي اسماء بالممرات يعني مانزل شي ههههههه ابلشتهم لين طفشوا مني
اخر كلام قالوا انه بتنزل هالاسبوع مع اني مني مرتاحه واحس انه بكش زي عوايده بس الله المستعان والله من جد حاله ماينسكت عنها لين متى يعني بتغلق سنه كامله ومانزلت البطاقه كله من التجديد لابارك الله فيهم
المطلوب ياحبيباتي اللي حالتها زي حالتي اطلب منها فضلا لاامرا انو احنا نتساعد بمعنى كل وحده تطفش حقين البطايق وتحرجها زي مثلا تقول متى يعني بنشوف البطايق بنتخرج ماخذناها <<< واللي يجيلها كف انا مالي صلاح ههههههههه
صحبتي تقول شكل بطاقتك بتلاقينها جوة ملف التخرج لمن تستلميه خخخخخخخخ
المهم حبايبي زي ماقلتلكم نتعاون لمصلحتناوالله ذا الحال لايطاق حقنا ومناشبينا فيه ايش معنى الخلق كلهم نزلت بطايقهم؟؟<<< لحد يقول اننا منحوسات
وبث يالله اشوف جهودكم تحياتي RanoOoma