[بنت التحفيظ]

التوزيع التكراري ممكن أسويه على شكل جدول زي اللي سويناه وممكن على شكل خطوات مـعينه:

1_ نحسب المدى R:
أكبر قيمة _ أصغر قيمه=R

2_ نوجد عدد الفئات K:

وهذا له قانون مـعـين نسويه بالحاسبه

ماهو راضي ينكتب القانون مـعي!!

أهم شي لازم نعرفه إنه أول شي نضرب 3.3× log n

والناتج نجمـعه مـع الواحد



n>>>> هي حجم العينه وهما يكونوا معطيننا هيا في السؤال

نشيل الـn ونحط حجم العينه

3_ نوجد طول الفئة h:

المدى ÷ عدد الفئات= h

ملآحــــــــــــظه:

دائما نخلي ((طول الفئة وعدد الفئات عدد صحيح))

يعني لوجاك 7.88 نقربها ونخليها 8

5.60>>>> 6

أهم شي يكون عدد صحيح بدون فواصل ولا شي...

التطبيق:

بعد مانسوي هذي الخطوات كيف حنكون الجدول:

عمود الفــــــــــــئات نكونه بإننا >> نحط أصغر قيمة مـع طول الفئة

يعني لوجينا وشفنا في الكتاب حـنلاقيهم حاطين في عمود ((فئات الأجور))

_10>> وهذا يعني إنه من 10 إلى 20

طيب ما فكرنا ليش هما حطوا من 10_20؟؟

ليش ماخلوها من 10_50؟؟

خليناها من 10_20 ومن 20_30.... إلخ

عشان طول الفئة يساوي 10

يعني نحنا لمـن نبغى نكون عمود الفئات لازم نشوف كم طول الفئة؟

تطبيق:

كان طول الفئة 20

وأصغر قيمة تساوي 10

لمن نجي نبغى نسوي عمود الفئات حنخليه

30_10

50_30

70_50

* ولمـن تجي تبغي تتأكدي تطرحي 10_30= ((20)) وهذي هي طول الفئة

* عادة نستخدم ممكن هالطريقه في البيانات الكميه المتصله.