[دولة الرئيس أبوعزة]

السلام عليكم ورحمة الله وبركاته


اليوم جبت لكم قصيدة...إنما إييييييه..تحففففففحه...


وأتمنى أن تحوز على رضاكم...


وإليكم القصيدة ::






هلا بالحب وغصون الزهر والعشق وريح الورد
هلا بالنور لا غطى شعاعه ظلمة أيامي



هلا يا روعة الصورة وشمس الأمس ونور الغد
هلا باللي على كفه يعلق سبحة أحلامي



هلا باللي على وده ينافسني هيام الود
هلا باللي يوصلني غلاه لذروة هيامي



هلا باللي يدفيني بصوته في ليالي البرد
هلا باللي برعشة صوت عذره تركد عظامي



هلا بالبسمة اللي في طعمها مثل طعم الشهد
هلا بالمورد اللي من زلاله يروي الظامي



هلا بالطيب اللي والله إني أعشقه من جد
هلا يا نور عيني يا دواي وبلسم آلامي



هلا بأغلى الهدايا اللي من الرحمان لي تنمد
هلا باللي عيونه هي قصيدي ومصدر إلهامي



هلا باللي غلاه بخافقي ما بين جزر ومد
خفوقي ساحل وعشقه بحر بالشوق مترامي



أهلي به وعدد ما اشتقت له والشوق ما ينعد
بقلبي في غيابه...أجل لا صار قدامي










ودمتم سالمين