هل وجود السنة التحضيرية يعني زيادة عدد سنوات الدراسة يعني مثلا لو كنت ابغى الطب وعدد سنواته 7 تصبح 8سنوات واللي 4سنوات تصبح 5
|
اختي الفاضلة اكيد ده اللي حيصير لانو مواد اول سنة في الطب دائما عامة (كيمياء طبيه-فيزياء طبيه-احياء طبيه ) غير انو صارت دي السنه اشياء جديده انا مني فاهمتها لانو من زمان عنها
ودي تختلف عن مواد السنة التحضيريه تماما ماعدا العربي والثقافة والانجليزي مشترك بينهم ...وكمان مهارات الاتصال دي في الخطه الجديدة في الطب ماكنا زمان ناخدها...بس حتتعادلكم وتنشال طبعا...
والطب نظام سنوات ماينفع تقصر اكتر من كده ولا نموت...
...فربنا معاكم ...شكلها 8 سنوات...مع انهم بيقولو التحضيري انها سنة من سنوات الدراسه مش زياده..بس نظام الطب ما حتنفع فيه دي الحركه..يقولوليك اسأل مجرب ....بس الواحد ما يدري ايش يصير.. بعدين اصل السنتن اللي فاتو زي ما قلت في البدايه حصل تغيير غريب في النظام والدراسه ل1و2 عندنا انا نفسي مني مستوعبتو.....
انشالله اكون افدتك... والله يكون في العون..