[بحر الحرية]

أهلا فيك يا سيدي:

بالنسبة للترم الصيفي ما نزلت أي معلومات نزلت لحد الآن ، لكن تقدر تتابع عن طريق موقع عمادة القبول والتسجيل ، خانة المواعيد والتقويم وتختار اللي تبغاه وتشوف المواعيد على الرابط:

http://admission.kau.edu.sa/Default...._id=210&lng=AR

وبالنسبة للغياب:

نظام الجامعة ككل ، يحدد للطالب نسبة 25% من عدد المحاضرات ككل ، عشاان كداا حتلاقي فوق ف الردود ، واحد قلك 4 محاضراات والتاني 6 محاضراات ، لكن هياا ع العموم تنحسب بطريقة النسبة اللي هياا 25 % وعدد المحاضراات ..

وعدد المحاضرات بيختلف من مادة لمادة ..

تاني شي الحرمان في المادة يرجع بحسب الدكتور ، في بعضهم بيطبق النظام داا وبعضهم بيقلك إنك تعرف مصلحة نفسك تبغى تحضر تبغى تغيب شي راجعلك ..

يستثنى من داا النظام معهد اللغة الإنقليزية ، اللي استقل بنسبة الغياب 10 محاضرات كحد أقصى من مجموع المحاضرات الكلي ، والسبب: إنه عدد محاضرات الإنقلش كبير جداا ، والنسبة 25% تعطي فرصة كبيرة للغياب عن المحاضرات ..

بالنسبة لسؤالك التاني ف طريقة قبول غير السعوديين:
تقدم على الجامعة في الموعد المحدد للتقديم في بوابة القبول الإلكتروني، وحتلاقيه موجود في الرابط اللي فوق ( عمادة القبول والتسجيل ) ، ولو ما نزل لحد الآن ، فإنتاا تتابع لين ما يعلنوو عنه ، وهواا غالباا خلال الشهرين الجاية حيكون لو تأخر ..

وتقدم عاادي بحسب الخطوات اللي تجي معاك .. بس ما أعرف هل إنتاا متخرج أو راح تتخرج من مدارس السعودية ولا من الكويت ؟؟

لأنه الخطوات اللي قاعد أقلك عليهاا للطلاب الللي يتخرجوو من مدارس السعودية ، يمكن إنتوو لكم وضع خاص اللي تجوو من الكويت بما إنكم من دول مجلس التعاون .. الله أعلم

لأنه في اختبارات للقبول بالجامعات السعودية اسمها القدرات والتحصيلي .. فلو كنت متخرج من الكويت ما اعرف كيف نظامكم..

بس لو من السعودية .. زي ما قلتلك تكمل الخطوات .. وقبلها لازم تكون حاصل على الثانوية العامة + اختبار القدرات + اختبار التحصيلي

لو عندك أي استفسار وتبغى تتصل عليهم ، داا الرقم الخاص بالعمادة: (( 0096626952222 )) الرقم داا بالمفتاح الدولي

بالتوفيق يا عزيزي؛؛

وأي خدمة تحت أمرك؛؛