[فصول السنه]

اوكي

اولا هو مو بحث المطلوب قالت لنا اكتبوا تقرير واعطتنا مذكره او ملخص زي مايسموه يوضح كيف مراحل وطريقة الكتابه حقت التقرير

بالنسبه لموضوع التقرير ماحددت لنا موضوع معين كل وحده تكتب الموضوع اللي تبغاه واللي يخص ويناسب الجهه اللي راح تتدربي فيها لازم لازم يخص ويتعلق في المكان اللي تدربي فيه مثلا اذا تدربتي في بنك شوفي وحده من ايجلبيات او سلبيات هالبنك واكتبي التقرير وناقشيه
او مستشفى او شركه وهكذا

وثانيا لابد تكوني عارفه وحافظه تقريرك ومراجعه اللي كتبتي واخذتي منها التقرير لانها راح تناقشك فيه وتسأل بعد عن تدريبك مع مين وايش سويتي وايش استفدتي واسئله من هاذا النوع

وثالثا لازم تسوي ملخص منه ( عناوين ونقاط رئيسيه )على شرايح بوربوينت عشان تشرحيها قدامها وقدام بنات المجموعه وعليها درجات ع فكره غير درجات التدريب والمناقشه والمتابعه لان تقول اكتبوالتقرير على شكل مسودات وراجعوني عشان اصحح واغير لك قبل لاتكتبي بشكل نهائي

طبعا قالت ان يوم المناقشه وشرح العرض غالبا يكون قبل الاختبارات النهائيه باسبوعين او اسبوع وقالت راجعوني من وقت لوقت او اتصلوا عشان أأكد لكم الموعد مو تعتمدو على الكلام الاول

واوراق التدريب ماادري ايش تبغي تعرفي عنها ولا عارفه اصلا اية ورق اللي تقدميه للجهه عشان تتدربي ولا اللي تسجلي فيه ملاحظاتك الخاصه بفترة التدريب

اذا فهمتيني ممكن اقدر اوضح لك