رد: تجمع للمعيدات ،،،، ولكل من تطمح ان تكون معيده ،،
يا هلا و الله بالواحة واحة الامل و العطاء <<< تصدقي و الله حبيتك في الله من غير ما اعرفك (^^)
ممكن أسألك
لما قدمتي في الجامعة مين كانت رئيسة القسم ؟؟؟ يعني قبل كم ترم ؟؟
لانو صار لي سنة اروح و اجي على الجامعة و على قولتك عند سكرتيرة رئيسة القسم و ترفض استلام اي ملف و لا حتى سيرة ذاتية و لا حتى رقم تلفون ....
المهم رحت مرتين لرئيسة قسم الأحياء و قالت لي : ما نستلم اي ملفات الا اذا نزل اعلان رسمي في الجرايد او في النت عن وظيفة معيدة و قتها تعالو وجيبو ملفاتكم .
تقريبا قبل كم اسبوع رحت للكلية قال اجرب حظي >>>> برضو دخلت على رئيسة قسم الاحياء قالت لي نفس الكلام ورفضت تاخذ مني اي ورقة و لا حتى سألت متى تخرجتي او كم معدلك .
المهم .... أنا تعبت من الروحة و الجيه على قلة فايده و بصراحة كدا لما تيجي تسألي عن وظيفة و بدون ما ينزل اعلان يحسسوكي كأنك جاية تشحتي مدري ليش....
هذا واحنا جايبين معدلات و مرتبة شرف مدري اش فايدتها ....
الزبدة ...
الوظائف موجودة خارج جده و لو كنت اقدر اتغرب و اسافر عشان الوظيفة كنت عملتها من زماااااااااان
و نصيحة للي تقدر تقيم بره جده لا تفوتو الفرصة قدمو في كل مكان ماتدرو رزقكم فين الله كاتبة ..
بصراحة جده صارت زحمة و المنافسة على الفرص الوظيفية فيها مره قويه
و في الاخير كل واحد رزقه مكتوب عند الله من قبل ما يولد
المشكلة الظروف تحوجنا نقعد عند اهالينا في جده
( ما ادري صرت احس انو مالنا غير مدرسة في مدرسة خاصة و نحمد ربنا لين يفرجها الله )
المهم يا بنات ياريت اللي تعرف كيف التقديم من عند البنين تتكرم و تقلي ....
يعني ينفع ارسل اوراقي بالبريد و على مين بالضبط ...
يارب يغنينا من واسع فضله ... و لا ننذل للمخلوقين اللي زينا ... صدق الله تعالى :
{قل لو أنتم تملكون خزائن رحمة ربي إذا لأمسكتم خشية الإنفاق وكان الإنسان قتورا} ...
|