دا الموضوع باختلاف طريقة طرحه الا ان الفكرة المراد ايصالها واحدة..
تغيرنا ولا زي ما احنا اعتقد مازلنا مثل ما احنا
انا ولله الحمد ادرس في مجال طبي ومازلت في بداية حياتي الدراسية يعني في النهاية شغلي راح يكون في المستشفى الا اذا ربي راد وجاب لي بابا عيادة
اوافق اذا ربي رايد ومح اقول لا مح انخطب ومن دا الكلام ..لمتى حنخلي كلام الناس شماعة لكل شي بنسويه..!!
افتكر في موضوع انفتح كان في رد بعض الاعضااااء
مافي بنت ناااس ترضى لنفسها ويرضولها اهلها تشتغل في مكان اختلاط .. طبعا دا المفهوم من كلامه وليس ماكتب نصياً
صراحة استغرب الجرأة المتناهية في انه يقول مثل هالكلام!!
ياما بنات ودكاترة الحمد لله عايشين حياتهم متهنين ومتزوجين ولهم عيال ولهن من المراكز ما اراد الله ان يكن..
كل اللي يشتغلوا في مكان فيه اختلاط مو بنات ناس!!
كلهم اهاليهم يطلقوا تحت وصف ( ديوووث)!!
يعني انا والدي مثلا المعروف عنه وسط العيلة انه بالمرة يخاف علينا ومضيق علينا في الخرجات والطلعات بشكل مايتصور ومع هذا الحمد لله هو الي قال لي ادخل هالقسم ..مع اني انا كنت رافضة..
شخص مثله ومثل تفكيره وتضييقه الحناك ..ديوث!!
هذا مايدل الا انه ولله الحمد واثق من تربيته لي وعارف انا كيف صرت افكر وكيف مبادئي في الحياة ..
هو بس شي واحد كيف لما قيل هالكلام مافكروا بكم بنت ناااس قذفوها !!!
مو كل بنات الناس زي بعض .. وانا معاكم انه في بنات الله يهديهم أساؤوا لسمعتنا شوهوا الصورة الي المفروض نكون عليها كبنات وطبيبات مسلمات..
بس ايش ذنب الباقيات من الكلام ..؟؟!
يعني خلاص نسيتوا انه من السبع الموبقات من الكبائر والمهلكات قذف المحصنات الغافلات المؤمنات ..!!
نسيتوا قول الله تعالى
( إن الذين يرمون المحصنات الغافلات المؤمنات
لعنوا في الدنيا والآخرة ولهم عذاب عظيم )
لا تقولوا دا مو قذف !! اجل ايش تسموه ( مو بنت ناس )؟؟!
نجي للعقل ...وبما انه دا مجالي حتكلم فيه ..
ماترضى ان زوجتك تشتغل في مكان عام ومختلط ..
وسبحان الله ما ترضى انه تروح عند دكتور وتخليها تروح عند دكتورة!!
مو هي مو بنت ناس؟!!
معروف في الدين انه :
يقدّم في علاج الرجال الرجال وفي علاج النساء النساء وعند الكشف على المريضة تُقدّم الطبيبة المسلمة صاحبة الكفاية ثمّ الطبيبة الكافرة ثمّ الطبيب المسلم ثمّ الطبيب الكافر..
بس سؤال لو كانت كل المملكة على بعضها كل الدكاترة والممرضات بطلوا يشتغلوا فين حتودي بنتك ولا زوجتك ولا اختك ؟؟ فين؟؟
رحت وديتهاعند دكتورة كافرة مسيحية ايا يكن ضامن حتعطي اهلك العلاج المناسب او نوضحها اكثر ماتخاف بسبب كرههم للاسلام والمسلمين يحطولها عينة من مرض خطير سرطان ولا ايدز والعياذ بالله !!
الله يجيرنا ويجيركم من دي الامراض ويعافينا ان شاء الله ..
الحمد لله على كل حال ..
في النهاية ياليت قبل ماتقولوا اي كلمة توزنوها مو كل وحدة حتسكت على حقها لما احد يقول شي في عرضها ولا عرض اهلها ...
البنت المحترمة تفرض احترامها للكل ..
انا عارفة حتقولوا الدنيا مو امان ومن دا الكلام لكن ..
( واعلم أن الأمة لو اجتمعت على أن ينفعوك بشيء لم ينفعوك إلا بشيء قد كتبه الله لك، ولو اجتمعوا على أن يضروك بشيء لم يضروك إلا بشيء قد كتبه الله عليك )
وأتأسف عن الاطالة اختي لكن كلام وحسيته لازم يطلع ..