السلام عليكم يـــــــا pharm.d
بصراحة أنا جدا تعجبني مواضيعك وردودك وشفت انك ماشاء الله تردي أو تجاوبي إجابات وردود شافية ووافية لكثير من التساؤلات اللي كانت في بالي عشان كذا قررت أسألك
أنا دخلت على موقع الجامعة ولقيت ان الصيدلة لها أكثر من قسم:
قسم الصيدلانيات - قسم الصيدلة السريرية - الكيمياء الصيدلانية - قسم النواتج الطبيعة والطب البديل - قسم علم الأدوية والسموم
كل قسم من دي الاقسام بتعطينا مواد ندرسهاااا في الكلية ونحتاجها عشان نسير صيادلة
بعد التخرج ان شاء الله ممكن نتخصص في مادة من المواد
1- أبغى من فضلك شرح لطبيعة دراسة كل قسم (إيش يدرسوا بشكل عام) وطبيعة وظيفة كل قسم بعد التخرج (فين يشتغل وإيش شغلته وإيش يسوي بالزبط في شغله)
انا قلت انو لوالواحد بعد التخرج يختار قسم وممكن يعمل في ماجستير ودكتوراه
تقريبا اغلب الاقسام الواحد يشتغل فيها في الجامعه بس مثلا الصيدلة السريرية تكون في المستشفى
2- متى الطالب يختار القسم أو التخصص اللي يبغاه (في أي سنة) وهل هناك معدل معين لدخول كل تخصص؟
ماعندنا تخصص في الكلية غير الفارم دي ودي تطبق على جميع السنوات
3- إيش أكثر تخصص يتضاربوا عليه الطلاب وليش (إيش مزاياه)؟
طبعا كل الناس في السعودية تبغى الفارم دي لانو تساعد الواحد عشان يسير كلنيكل
أتمنى ما تكون أسئلتي ثقيلة عليكي ويعطيكي ألف عافية
وإذا في كلامي أي غلط أتمنى توضحي لي