[خافي الأحزان]

المشاركة الأصلية كتبت بواسطة البرق الاصفر معليش يا جماعة ما اقدر افيد في الموضوع بس حاب استفيد لو سمحتو المادة دي مادة تخرج ولا مادة عادية وكم رقمها وكم مشروع فيها ؟؟ والاخ خافي الاحزان لو سمحت ممكن تقولي خلطات ايش ؟ طبخ ومواد غذائية ولا ايش بالضبط ؟؟ وربنا يكون في عون الجميع

حياك
المادة هي بحوث عمليات وهي تبع قسم الهندسة الصناعية ورمزها ie311 كانوا يعطونها طلاب قسم التعدين كمان بس أتوقع انحذفت عنهم مع تعديل الجداول

المادة أساسها البرمجة الخطية وهي مادة تبع قسم الرياضيات رمزها math241 وهي متطلب اجباري لطلاب الصناعية وبدونها ما تقدر تدرس بحوث العمليات

وبشكل عام المادة تتكلم عن أفضل توزيع للموارد يعني انت عندك مصنع بينتج منتجات ، طبعا كل منتج سواءً كان مواد غذائية أو زيوت أو ألعاب أو غيره من المنتجات له تركيبة معينة أو مٌصنع من مواد معينة أو له خلطة معينة، والخلطة بتحتاج مواد خام (موارد)

باستخدام بحوث العمليات تقدر توزع هذه الموارد بأفضل طريقة ممكنة على المنتجات بحيث انك تستفيد من مخزونك من المواد الخام بأفضل طريقة ممكنة وبأعلى ربح ممكن وهي طريقة max لــ profit

وبنفس الوقت تقدر تقلل من التكاليف والوقت بأفضل طريقة ممكنة وهي طريقة min لـ cost



طبعا المادة تعتبر مادة عادية مو مادة تخرج وفيها مشروع واحد وتعتبر من مطبات قسم الصناعية واللي يدرسها البروفسور أحمد المرعب عادة وأنا الترم هذا عنده

أتمنى أكون أفدتك