[حنين الود]

الموضوع للأسف خرب ..
1- يآليت نلتزم بالوآقعيه .
2- نطلب طلبآت مفيده . (يعني مايسمعونا في طلبآت مهمة تطلبوآ طلبآت مستحيله زي الموظفين ومآدري إيش ليه ؟؟ والي تقول سرير بالله سرير مآوفروه في مستشفى يوفروه في جآمعة بنآت انا حقتلكم إيشبكم كدآ خربتوآ الدونيآ
يآليت تكتبوآ الطلبآت بطريقة تآنيه يعني على شكل نقآط +وآقعيه +من جد نحتآجهآ الخطوة الثآنيه بعد الإقبآل يعني لو كآن عددنآ 200 او 300 طآلبه نبدآ لحمله الكترونيه بعدها حمله على أرض الوآقع وإن شآء الله نشوف التغيير يآرب ..بس سآعدونآ وكونوآ وآقعيين ..
+يآليت طلبآت البنآت تكون لحآلهآ..
طلبآتي أنا
1- فرض غرآمة مآليه على البنآت الي بيوصخوآ الجآمعة يرموآ أكلهم في الأرض أو يوصخوآ الدنيآ +يوفروآ سلآت للزبآله الله يكرمكم..في كل مكآن عشآن مايصير فيه عذر <<أول طلب حينفذوه لآن فيه فلوس ..
2- تغيير السجآد في المسآجد بلآش تغيير تغسيل يآعم ولا يهمهم ..لأنها بيوت ربنآ مايصير تقعد كدآ
3- توفير كآفتيريآ عند مبنى 420 +يفتحوآ البوآبه..
4-توفير طآوله يحطوآ عليها طآبعة وكم قلم وكم دفتر وكم مرسآم في كل مبنى ويسموهآ مكتبه عشآن يوفروآ لنآ الخدمآت ومعليش يدبلولنآ الأسعآر مو مشكلة ..
5- الإهتمآم بنظآفة الأكل +توفير مطآعم
6- يحطوآ كرآسي زيآده نبغى بس 20 كرسي زيآده عند كل بوآبه بس ..عشآن يحلفوآ إنهم غيروآ حآجة ..
7-يمنعوآ بنآت الثآمن خصوصآ يدخلوآ القآعآت ومعآهم القهوة ..لإنهم وبجدآره أثبتوآ قمة الإستهتآر كل قآعه فيهآ قهوة مكبوبه ..وتعدم الدنيآ ..فأحسن طريقة مع دي الأشكآل يآيمنعوهم يآيدفعوا كل بنت غرآمة لو سوت عبط وكبت القهوة ..مدآم مآتعرف تشرب القهوة زي الأوآدم تشتريها ليه ؟
8- يوفروآ أمآكن عند الثآمن للبنآت الي مآعندهم محآضرآت فيه آمآكن قريبه يقدروآ يستغلوهآ مآقلنآ ميه كرسي نبغى 40 او 50 بس يعملوآ مكآن يريحونآ من الإزعآج في كل محآضرة ويصير زي بيت الدونآت ..
9- يفتحوآ بيت الدونآت صغير في الثآمن زي زمآن
10- يسمحوآ بدخول الآبتوبآت والله صرنآ نحتآجهآ ضروري ..كتآبه +جدآول +درجآت +شغلنا كله على النت بدل مانطبع كوبي من كلمه نكتبها..
11- توفير هآتف وآحد بس عند كل بوآبه للضرورة ..
12- الحمآمآت ومآ أدرآك مآ الحمآمآت مآفيهآ نظآفة أبدآ؟؟ والمشكله البنآت برضو بيوصخوآ جلد مو جلدك جرو على الشوك ..يعني لو تقولي أطفآل معليه بس كبآر ويوصخوآ ؟ يعني مو كفآيه الجآمعة مطنشتنا إنتوآ تزودوهآ بالوصآخة وقلة الحيآ دحين إيش يخسروآ لو كل وحده تترك المكآن نظيف؟ حتى الي بيتوضوآ ليه كدآ يوصخوآ الدنيآ؟؟أنا بتكلم عن البنآت الي يوصخوآ مو إنتوآ

بنآت أهم حآجه لاتنسوآ الحمله دي إن شآء الله حتفرغ لهآ بقدرة قآدر وإن شآء الله يحصل تغيير شكرآ لصآحبه الموضوع ..
بليز بنآت لاتقلبوهآ أحلام إكتبوآ بوآقعيه..مد لحآفك على قد رجولك