التخصصات اللي ترتبها ، كانت على وقتي أربعة ، ما أعرف إذا صار فيها تغير أو لا ، وهي:
كلية الاقتصاد والادارة ، كلية الآداب والعلوم الإنسانية ، كلية المجتمع ، معهد السياحة ..
ترتبها على حسب رغبتك ، والنظام تلقائيا بحسب نسبتك في السنة التحضيرية يحطك في أقرب وحده تناسب نسبتك ..
يعني مثلا: لو كانت رغبتك المفضلة كلية الاقتصاد والادارة ، وكان ترتيبك للكليات كداا:
1- اقتصاد واداره. وأقل نسبة للقبول مثلا كانت 4
2- آداب وعلوم إنسانية. واقل نسبة للقبول كانت 3
3- معهد السياحة. وأقل نسبة للقبول كانت 2
4- كلية المجتمع. وأقل نسبة للقبول كانت 1
وحصلت على معدل تراكمي 2 من 5 ، راح تستبعد مباشرة من كلية الاقتصاد والاداره وكلية الآداب .. ويحطوك في الرغبة الثالثة لك ، لأنك حققت النسبة المطلوبه فيها ..
لكن لو حصلت على معدل 3 من 5 ، تستبعد رغبتك المفضلة بس اللي هياا اقتصاد وإدارة ، وينقلوك للكلية الثانية في الترتيب بحسب ترتيبك انتاا لهاا .. وهكذا ..
أتمنى تكون وضحتلك الصورة مع المثال ..
يمكن بعدين بعد التحضيري على حسب نسبتك يسمحولك تنقل مثلا من كلية لكلية ، وأعتثد في نظام في الجامعة يمشي على كدا ، لكني ما أعرفه ، اسال عنه وإنشاا الله يجاوبوك عليه ..
ولو قريته في الملفات اللي أعطيتك هياا راح تلقااه ، وهواا التحويل من كلية لأخرى داخل الجامعة ..
الشي المهم .. إنك لازم تعرف فين التخخصات اللي تبغاها موجوده وتحت ايت كلية ..
مثلا: إنتاا بتقلي إنوو علم النفس كأنوو مستقل على اللي فهمتوو من كلامك ..
وعلم النفس داخل تحت كلية الآداب والعلوم الإنسانية ..
القانون تحت كلية الاقتصاد واالاداره ..
الإعلام تحت كلية الآداب ......
وإذا تبغى تتعرف عليها أكثر ، زور موقع الجامعة الصفحة الرئيسية
http://www.kau.edu.sa/
راح تلاقي في أعلى الصفحة الكليات ، وكل كلية غزا فتحتها راح تلاقي تتخصصاتهتا فيهاا ..
وللعلم .. تقسيم التخصصات في جامعة الملك عبد العزيز بيختلف عن جامعة أم القرى .. بيختلف عن الملك سعود .. وزي كداا
موفق ؛؛