[THE EXPERT]

المشاركة الأصلية كتبت بواسطة الــــغــــلا موفق اخوي الخبير لكن ودي اسالك عن شيئ واسفه على ازعاجك اللحين كيف اذاكر هالماده هل بس اذاكر الاوراق اللي مسويها انت بدون مارجع للكتب مثل كتاب اوت لاين والكتاب الثاني ساوند اند سينز والملزمه اللي فيها القصص والقصائد و و و والله تايهه في هالماده الله يسعدك علمني كيف طريقه المذاكره ... وحده فاصله<<<<؟؟؟

يا حي الله الغلا

بالنسبه انك تذاكرين بس الأوراق فأنا من الحين اقولك لا

الماده دسمه دسمه بحجمها فقط ( يعني راح تأخذ منك وقت طويل بس )
وليست معقده (لانه بمقدار مذاكرتك راح تجيبيك درجتك )

سألتيني عن طريقة المذاكره فراح اذكرلك طريقتي واللي بها جبت في الماده ممتاز

الخطوة الاولى شوفي الأفلام حقت البيجماليون وديزي ميلر

لان الحوار اللي في الفلمين بالظبط هو نفسه اللي في الكتاب

الخطوه الثانيه ارجعي وشوفي الفلمين مره ثانيه ولكن وقفي عند كل حوار وأقرأي من الكتاب القصه كامله
يعني شوفي مقطع وأقرأيه ومش لازم تترجمي كل كلمه في الكتاب ولكن لازم تعرفي المقصد من الجمله ( لان عندنا يجيبوا سؤال عن الأقتباسات فيجيب الدكتور مقطع ويسأل مين اللي قاله ولمن ووين قاله هالكلام ومالمناسبه ) طبعا اللي قرأ القصص بتمعن يعتبر السؤال هذا سهل له واللي ما قرأ القصه راح يفكر ان السؤال هذا صعب جدا خصوصا ان السؤال هذا بالنسبه للأولاد عليه 30 درجه
وطبعا ما يجيبوا الا اشياء واظحه وجمل مهمه جدا في الفلم .

للخطوه الثالثه
خطوة المذاكره الفعليه لان فهمك للقصص ولأحداثها لا يغنيك ابدا في الأختبار ولكن المهم كمية الكلمات اللي عندك في الأختبار حتى تقدري تعبري عن فهمك اللي فهمتيه والمهم في الموضوع هذا انك تعرفي تعبري لانه لايوجد في الأسأله المقاليه الطويله اجابه واحده نموذجيه وانما يوجد فكره وكل طالب يعبر بطريقته لكي يوصل لهذه الفكره .
وماراح تسطيعين التعبير الا وعندك كميه كبيره من الكلمات اللي تتبع للقصه والكلمات اللي تحسين انها صعبه عليك حاول تجيبي السينينوم حقها حتى تسهل عليك ( وهنا تكمن اهمية الملخص المرفق في هذا الموضوع )

في موقع السبارك نوتس فيه اسأله اختياريه حليها على السريع لانها تسلط الضوء على احداث مهمه في القصه

بين الخطوه الثانيه والثالثه انصحك بمذاكرة ماده ثانيه حتى لاتملين وحتى ما تذاكرينها تحت ظغط ان عندك مواد ثانيه ما ذاكرتيها

وبالتوفيق يا رب

ودعــــــــواتــــــــــك