[AL_HATTAN]

مرحبا بكم جميعاً ...

هذا ملخص لليوم الثاني .. يوم الأحد ..

الله يعين اليوم بيكون معلومات دسمه شويه ..

بسم الله نبدأ ،،

الماده // ماليه شركات ..

اسم الدكتور .. عبدالله طويرش ..

بخصوص المنهج اللي داخل معانا 6 فصول وموجوده في المفردات للماده من موقع الجامعه ..
موجوده في المرفقات .. لعيونكم بس

وبالنسبه للكتاب لحد يشتريه لانه 700 صفحه على الفاضي .. يوجد نسخه من الكتاب مصوره في دار حافظ بــ 25 ريال .. << امس اشتريتها ..
وفيها المنهج اللي مقرر علينا فقط ..

امس اخذنا في اول يوم الباب الاول واللي هو النظري فقط ..
وان شاء الله المحاظره الجايه بتكون المسائل وان شاء الله اكتبها معاه وانزلها لكم في المنتدى ..

بصراحه هذا كل اللي اخذناه بشكل مختصر ..

-------------------------

ماده التسويق ...

الدكتور كان جزائري الجنسيه .. والله لا يوريك جاب لنا النووووم .. مشغل الداتا شوو وقاعد يقرأ منه ..
وسألته عن المقرر بعد المحاظره قلي شوفها في المفردات .. وكانت عندي المفردات وقتها ووريته هيا وكان صاحبي معاه الكتاب .. وطابقناه وطلع الباب الاخير ( التسويق الالكتروني ) ليش موجود في المفردات .. وقلت له طيب هذا الباب ايش هرجته .. يقول ما ادري خليني اسأل دكتور الماده ويرد علينا المحاظره الجايه ان شاء الله .. وننتظر المحاظره الجايه .. انا قلت مني حاضر عنده مره ثانيه لانه يجيب النوم بصراحه ومال امها داعي المحاضره بس عشان اعرف المنهج مضطر اني احضر والله .. وربنا يعين ان شاء الله ..


---------------------------

اداره اعمال بالانجليزي ..

الدكتور عسل عسل مافي زيه بصراحه ..

اسمه // صالح باجبع .. الايميل حقه SBajaba@kau.edu.sa
الساعات المكتبيه .. 10 - 11 يوم الاحد والثلاثاء .. الدور الرابع كليه الاداره والاقتصاد ..

قال لازم كل واحد يكون معاه الكتاب لانو بيكون الشرح من الكتاب فقط ... ولا يعتمد على اي ملخص في النت ولا شئ ..

قال بيشرح من الكتاب فقط ويأشر معانا من الكتاب وبيعطينا الاسئله المتوقعه من الكتاب .. يعني ان شاء الله كلكم بتنجحوو يااارب الله يسمع منه ..

وطريقه الاسئله بتكون .. صح وخطأ .. واختيار من متعدد .. ويكون سؤال واحد مقالي .. يقول لازم الكل يحل السؤال الاخير .. لانه هو هذا اهم سؤال في الهرجه كلها .. بصراحه هذا اسؤال يكون دائم هديه للطلاب وكمان يقدر يساعد الطالب في الدرجات عن طريق هذا السؤال ..

واعطانا اللي داخل معانا في الباب الاول ..
وهو كالتالي //

Chapter 1
1.4.1 (1 - 7 )
1.9
1.9.1 (1.9.1.1 الى 1.9.1.3 )
1.9.2 (1.9.2.1 الى 1.9.2.3 )
1.9.3 ( 1.9.3.1 الى 1.9.3.4 )
1.13
1.13.1
1.13.2
1.13.3


وهذا اللي داخل معانا في الباب الاول فقط ..واللي مو فاهم هرجه الارقام هذي يقولي انا افهمه .. بس لحد يفك الفهرس حق الكتاب لانو ماراح تلاقي هذي الارقام .. افتح بالصفحات داخل الكتاب .. ودور على الاراقام اللي موجوده اعلاه .. مثلا مكتوب ( 1 الى 7 ) << هذي الفقرات ..

وقال كل محاظره بيعطينا اللي داخل معانا .. يقول اللي يبغاها يروح الصبح مبنى الكليه للقسم ويأخذها من هناااك ..

---------------------------------

ونشوفكم بكره إن شاء الله على كل خير يااارب ...

بالتوفيق ياااارب للكل .................