رد: تجمع طلاب المستوى السادس إدارة اعمال - تسويق
اخي العزيز/aon-sh1 بالنسبة للمواد اللي ذكرتها هادي كلها اخدتها ولكن ممكن افصلك هيا الان :
بحوث تسويق bus 315 : دي المادة مالها كتاب فاانصحك تشتري لها مزكرة تحصلها في مكتبة خوارزم بس قبل كل شيء احضر الدورة وقارن بين الفصول المقررة عليك وبين الفصول المزكورة في المزكرة.
الإدارة الإستراتيجية bus 331 : دي المادة تغير المنهج حقها ولها كتاب طبعة 2010 كتاب من تأليف الدكتورين نبيل خليل مرسي وهاني العمري عموما اتاكد من المادة دي لانو انا سمعت فقط وهيا مادة كلها دش.
إدارة أعمال دولية bus 473 : دي المادة كلها دش في دش عن التصدير والاعمال الدولية والتراخيص والعقود بكل انواعها اللي الان بيدرسها في الدورة هو الدكتور احمد زينه دكتور جدا ممتاز وانا سمعت ان الدكتور راح يعطيهم المحذوف في آخر محاضرة حاول انك تجي تحضر المحاضرة الاخيرة وتاخد الزبدة.
الرأي العام com 204 : المادة هادي نصيحة اخ مجرب اخدتها والحمد لله درجتي كانت في التسعين وزاكرتها من ملخص الاخ ابو جاسم تحلصها موجودة في المنتدى ملخص عبارة عن 40 صفحة شاملة المنهج بالكامل.
الاقناع com 205 : دي المادة عندي الترم دا وان شاء الله راح نختبرها سوا عموما لها كتاب اسمه فن الاقناع للمؤلف الامريكي /هاري ميلز تحصله في المكتبات اللي قريب من الجامعة ولو ما حصلته اكيد في مكتبة جرير تلاقيه قيمة الكتاب 30 ريال ودي المادة جدا سهلة وبسيطة ولا يغرك شكل الكتاب .
الاقتصاد الكلي Econ 102 : انا اشوف انا المادة دي اسهل من الاقتصاد الجزئي وعموما لها كتاب مساعد تحصله في مكتبة خوارزم قيمته 45 ريال .
اتمنى اكون افدتك وصدقني لو متأكد من شيء محذوف من المواد المذكورة كان قولتلك بس لاني ما ابغى اوهقك ولو تاخدها من اصحاب الشأن اللي بيدرسو المواد دي في التيرم دا يكون افضل وسلامتك يا غالي وتقبل مروري
|