رد: نصيحه لكل بنت تبي تعرس >>لا تفوتكم تجنن
هههههههههههههههههههههههه توووحفة الموضوع ...
بس تصدقي ياستي معاكي حق اصلا ايش ليا بالزواج ووجع الراس الوحده تدرس وتسافر وتشتغل تسوي لها مشاريع تلف العالم حتى لو تبغى عيال تربي فيهم ياكثر الايتام اللي في البلد تاخد لها يتيم منها اجر ومنها تربي فيه وتخلي اختها ترضعو عشان تصير خالتو بالرضاعه وبكدا عادي يعيش معاها شايفين التفكير كيف ..
عاد انا لو لو لو قررت ابلش نفسي واتزوج حخلي البلشة تكون بمنفعه وحدور ليا على نفر من برا كدا منو جمال ومنو حنيه ومنو انفتاح وكمان اذا جبت عيال يطلعون حلويين بعيون صغنونة ياقلبو عليهم..لكن انا افكر بالحل الاول حق عدم الزواج وجدتي خلاص احس ودها تحرقني من افكاري كل يوم ناطة ليا بعريس اقول لها ياجده ترا مو جالسة على قلبك انا سيبيني في حالي ماابغى اتزوج وعاد تعرفون افكار الجدات العجايز اشبك ماتبغي تتزوجي هاا ايش وراكي هااا الله يستر من الجيل دا وبلاويه خخخخخ ..
الله لايستر لا يطلع كل كلامي هرج بهرج واطيح ليا على واحد من اللي ذكرتيهم بالموضوع الله لايقول ان شالله ..
ملاحـظة هــامة هذا الكلام اللذي تم ذكره بالرد يعبر عن وجــهة نظري انا فقط ولا اعمم الكلام على احـد
|