[تقوى الهجر]

حياك الله اخوي الطرفي ( الله يحقق لك أمانيك ) .

اول انت لا تشغل بالك ولا تسأل بالتخصصات الا اذ حطيت رجولك بالجامعه بعدها أسأل عشان لا تبني أحلامك وإذا ما انقبلت لا قدر الله تتحطم . ( أسأل مجرب)
( هذي وجهة نظري )


- انا راح اجاوبك على السؤال الأول .

المعروف ان القبول بالجامعات بعد تطبيق حساب المعدل للصف الثاني ثانوي والثالث ثانوي معاً . ( اصبح صعب بجامعة الملك عبدالعزيز ) لأن أغلب الطلاب يحسبونها صح ويدخلون أهليه من اصف الثاني ثانوي ويجيبون نسب عاليه وبذلك التنافس راح يكون صعب بين الطلاب لكثرة اللي حاصلين علة معدلات عاليه .

لكن أنت نسبة القدرات عندك جيده نوعا ما - لكن شد حيلك وارفع معدلك أكثر ماتقدر - لأن القدرات راح تنزل نسبتك كثير .

وبحكم خبرتي لتقديم ابن عمتي السنه الماضيه (انقبل انتساب فقط) الذي نسبته 90% لكن القدرات نزلت نسبته كثير لم يحالفه الحظ بواسطه وبدونها بدخول الجامعه فالتقديم كان شرس والنسب الموزونه للطلاب وقفت على تقريبا 78% .

وثق تماما أن لو لك كرسي بالجامعه لن يجلس عليه غيرك - فكن مرتاح البال وأدي الواجب اللي عليك حى تكون مرتاح مستقبلا وثق أن لكل مجتهد نصيب -

وأنصحك برضا الوالدين ودعوة الناس الكبار وسوف تحصل على البركة بإن الله .

هذا نهاية كلامي وأي استفسار أنا جاهز واتمنى ان تلتفت الى كتبك وانتظر تقديم الجامعة وعندها بشرنا بقدومك أخا وأستفسر بعدها بكل ما يخطر على بالك .