[ابو رابح]

جيت المدينه داخلي طفل عسى الله يصلحه
طفل ابدوي ولد ابدوي طيب ولكنه عنيد

جيت المدينه وفي يدي طيب البداوه ومسبحه
جيت اشوفك يالحظاره جيت ادور للجديد

طفل يعيش بداخلي وكل كلمه تجرحه
يهدي سبايك من ذهب والناس تهديله حديد

كل دمعه تجرحه وكل بسمه تفرحه
جيت ادور للفرح وماشعرت اني سعيد

لو توّن وتشتكي الدمع محدن يمسحه
الناس واجد في المدينه واقرب العالم بعيد

مافي المدينه اي شي قلت يمكن امدحه
وعجزت يادروب المدينه واحتار وياي القصيد

الوضع ياقلبي صعيب والحال مقدر اشرحه
اريد وانته ماتريد والله يفعل مايريد

محدن ضحكلي في المدينه الا ويبغى مصلحه
فقيرها ماله سند وصار الردي عمٍ وسيد

رجعتي لك يالمدينه موضوع توبه افتحه
خلاص ياقلبي خلاص لاتزيد ولا تعيد

سلام لك ياقريتي ياطيف دايم المحه
ياقرية باقصى الجنوب احرار مافيها عبيد


لاا اعرف كاتب القصيده
ولاكن اعرف ان من تغنى بها الفنان علي بن محمد


اتمنى تعجبكم