[Abadi Alharbi]

السلام عليكم ورحمة الله وبركاته

إن شاء الله أموركم طيبه .. والمذاكرة ماشية تمام

أبي نصيحتكم و مشورتكم ياحبايب ..

تعرفون باقي 3 أسابيع على الإختبارات وفيها فرصة للي توه بادي مذاكرة

لكن المشكلة مو قادر أركز في أموري الخاصة فما بالكم بالمذاكرة

فيه موضوع خاص مشغلني و شل تفكيري طبعاً من سنين ، لكن كنت أمر بفترات

مد و جزر وتمشي الأمور زين ، لكن تقريباً من منتصف شهر " 1 " محرم

يعني قبل الإختبارات بإسبوعين بدأ ينفتح الموضوع من جديد وبشكل قوي

لكن الحمد لله كنت مضبط أموري وذاكرت من بدري وبتوفيق من الله كانت النتائج

والمعدل ممتازة .. أحمده و أشكره على ذلك ..

الآن عندي 5 مواد ، الثقافة خلصت قسمين ، اللغة العربية خلصت الوحدة الأولى

وبديت في الثانية ، الــ e خلصت وحدتين ، الحاسب ولاشيء " بس أخذت دورة

من زمان " يعني عندي خلفية ، الرياضيات " ياكرهي لها " توني مخلص

الأسس و الجذور ...

مو قادر أكمل المذاكرة وإن ضغطت على نفسي ما أكمل نصف أو ساعه بالكثير

وأقفل الكتب .. تفكيري مشغول للغاية ..

من ناحية حرام أضيع ترم لأنه محسوب من عمري .. ومن ناحية أخرى

لو كملت وخسفت بالمعدل وحملت مواد بضيع أشياء كثير " الكلية اللي ابي

التخصص .. وغيرها "


أرائكم ونصائحكم لاعدمناكم يالغالين ..


بالتوفيق للجميع