رد: ++ للطـــلاب المتــزوجيــــــن ++ (للرجـــال فقـــط ) .. طلب
س1\ ماهي برأيك الأمور التي لا تفهمها غالبية النساء حول الرجل و الرجوله ؟
... يختلف من حرمه لـ حرمه لان اصابع اليد مو متساويه وفي بنات عندهم الرجال شي زي المحرررررم فقط وفي بنات عندهم الرجال شي عظيييييم ما يقدرو يفرضو عليه كلمته وطبعا هنا السبب الاول والاخير يكون الرجال
لان :
أ - اذا كان الرجال من النوع الي ما عنده شخصيه البنت حتمشيه بكييييييفها <<,, فعلااااا هذه الصراحه حتمشيه كانه خداااام وانا مرت عليا اشياااء كثير زي كذا .. اقولك كيف؟
يعني مثال الرجال لو كان يتصرف زي مراهقين تفكيره لسه صغير ما كبر اممم الحرمه ما راح تحس بشي وحيختلف احساسها اتجااه كانه اخوها صغير مو زوجها والانسان الي تغمض عيونها وتقول خلااص زوجي حيسوي كل شي وانا متطمنه<<<<حتى لو كان في الحب بينهم ...
ب - اذا كان الرجال هو ماسك زمام الامور وكانت الكلمه كلمته وكل ما يصير شي هو ينفذه ويستخدم الاسلوب والتفاهم والنقاش والاقناع وتكون عنده الادله انه كلامه صح ومثقف ويكون فاهم الدنيا وعنده خبره في كل شي هنا الحرمه حتخليه يسوي كل شي وتحس انه رجال وتحس برجولته وتضمن نفسها عليه وتنام مرتاحه
..
س2\ ماذا يعني لك أن تكون رجلا؟
اممممم انا .. (( جواب شخصي )) الرجال هو مخلوق من يوم ما ينولدت لازم يتعب في الحياه ويكاافح الحياااه ويشتغل ويعمل ويجيب لقمه العيش له ويفتح بيت ويتزوج الرجال انسان عباره عن سند الحرمه عباره عن ظهر جدااار الحرمه تستند عليه فعلااا هو فيه من القوه الي تخليه يصمد طول حياته بهذا الحال هذا معنى الرجوله ان اكاافح كل الصعااب واوصل لمبتغاي وان يكون تفيكري في الاول والاخير عباده ربي والمشي في الطريق الصحيح على سنه الله ورسوله.. الرجوله انه الواحد يستر ع حرمته ويحميها ويحمي عيلته وبين كل فتره وفتره يروح يشوف اقاربه .. ان يكون موظف او له عمل وما يكون عاطل ويستنى الحرمه تاخذ راتبها ..
س3\ مالذي يؤذيك أكثر في كلمات زوجتك أو في تصرفاتها ؟
حاليا لا يوجد شي والجواب ع حسب الزوجه..
في حريم يزعلو ويدوووروو الكلام من ازواجهم عشان يسوو مشكله
في حريم يقعدو طول الوقت واقفين يصبو القهوه لازواجهم وما يجلسو احترام للزوج
في حريم يقولو اشياء خاصه مررره بين الازواج لقريباتهم او صديقاتهم وهذا حرام بس للاسف هذا منتشر في مجتمعنا <<< وهذا اكثر شي يضايق ويؤذي كل زوج
س4\ مالذي يعجبك كثيرا في كلمات زوجتك أو في تصرفاتها؟
شي واحد فقط اذا كنا نفهم بعض واذا كنا نكمل على كلام بعض .. ونضحي عشان ما نتعب بعض هذا اكثر شي حيعجب اي زوج في حرمته ويحس انه من جد متزوج انسااانه
س5\ ما الجزء الاقسى في أن تكون رجلا؟
اكثر شي قاسي بالنسبه للازواج هو البزارين الاولاد والبنات الي يجيبوهم والله ..
غير كذا البيت الي الزوج بيبنيه ويدفع تعبه كله فيه عشان يسويه لاولاده
وغير كذا اذا كان الرجال مريض ااااااااااه انا متاكد انه قلبه حررريقه يخاف يصير شي له ويضيعو عياله وتلقو الزوج دايما متوووتر وحالته صعبه
وفي ازواج والله مو دارين فاتحين بيتين وكل يوم مع حرمه ولا فكر لا في هذه ولا في هذه واهم شي مصلحه نفسه
س6\ ماهي ايجابيات الزواج بالنسبة للرجل؟
أ - اذا كان الرجال متزوج عشااان انه يكمل نص دينه وعيال ... هذا ما صار زواج((يعني زواج على ورقه))وما في اي ايجابيات
ب- اذا كان الرجال متزوج وحسس بنت الناس بقيمتها وما زعلها وراعا ظروفها وفرحها واسعدها وهي تدعي له طول الليل ع السجاده انا متاكد انه هذا اكثر شي ايجابي في الزواج
بالنسبه للرجال في الوقت الحالي : تفكيرهم سرررررررير لا غير<<<احم احم^_^
س7\ ماهي سلبيات الزواج بالنسبة للرجل؟
السلبيات المهور غاليه .. غير المهر الحرمه اذا حصلت زووج تقول اللللللله كننننز ويالله
هاتك ياطلبات ابغا ذهب جبلي اكل من .... <<مطعم غالي .. ابغا اسافر ابغا ابغا ابغا
.. طبعا هذا مو للحريم كلهم في حريم قنوعات في حريم لااء
السلبيات تكون حسب التعامل بين الزوج والزوجه بس اذا الاثنين متفاهمين ابدان ما حتكون فيه سلبيات وطبعا السلبيات تجي من حاجه وحده
لما يجيك واحد عمره 30 يتزوج وحده عمرها 18 فارق العمر 12 سنه والبنت لسه كتكوووته ودوبها تشوف الحياه والرجال كبير عاش في الحياه.. البنت تفكيرها سفر وفله وهجوله والرجال تفكيره بزنس واوراق وحساب واخبااار واشياء تشيب الراس!
الحلو في الزواج لما يكونو في عمر بعض يفتحو مع بعض في الدنيا هذه
س8\ ماهي برأيك التغيرات التي يجب أن تبادر اليها لجعل زواجك أفضل؟
الكلمه الحلوه بين الاثنين بالعقل قدرو زوجاتكم يا جمااعه لما يكتبو لكم ورقه او يزرعو لكم ورده ويعطوكم اياها قولو شي حلو سلمو على راسها .. ((مافيها شي هذول زوجاتكم)) مو شكررررا وتمشو!!! تراها مخلوقه انسان تحس عباره عن كتله احاسييس والكلمه الي تقولها تعني للبنت كثير
وغير كذا يابنات لاتضغطو ع ازواجكم دلعوهم ترا الاولاد دلوعين بزياده
عشان يصير الزواج افضل لازم يكون في نقاش مو مشاكل وضرب نقاااش كلام تفاهم شي بالسياسه اسلوووب خلوكم مروقين ترا الحياه حلوه بس الواحد ما يعرف كيف يعيشها
|