[حنين الود]

أنا مو عآرفه إنتو من جد بتتكلموآ وإلأ إيه؟؟
دحين إنتوآ لمآ تدعوآ نآس للإسلآم بس تروحوآ تخبصوآ الدنيا وتتكلموا نفس الكلام بالعربي وتقولوه بالإنجلش؟؟ يعني تقولولهم المعلومآت الي درسنآهآ في الدين بالإنجلش وعشآن كدآ تدخلوآ قسم ترجمة بس مو أدب لأنو الأدب محد بيستفيد منو هآه ؟؟ هيآ دي الدعوة ؟؟ الرجـَآل يقولكم عنده وقت ويقدر يدرس ليه مايدرس ؟؟ يترك الدراسه عشان مناهج فيها نصرآنيه وكلآم فآضي؟؟ولآ يوقف طموحة ويضيع شبآبه ووقته على الفآضي و يروح معهد؟ يروح لنآس وآضعين المنآهج على أسآس نهب وسرقة ..بالدرجة الأولى والتعليم في الدرجة التآنية يعني المعهد مآفيه موسيقى بس الجآمعة فيهآ؟؟مآتقدروآ تبحثوآ عن مرآجع ومصآدر لأشيآء مآفيها موسيقى؟ حتى لو أقرأ المسرحية كلها قرآءه مو لآزم أشوفها لو يعني الموسيقى لآزم منهآ ..بعدين المعآهد لو مو الشخص متعلم وفآهم هوآ إيش بيطلب حيسهل إنو يدرس في معهد أكتر من إنه يروح يتعلم على غير بينه يتعلم شي مآخد عنه فكرة ومجرب أفضل بكتير ..
راجي عفو ربه أنا بكلمك زي أختك ؟؟ إنت تبغى تدعوآ للإسلام وإنت ماتعرف شي عن النصرآنيه ؟أنا أقصد تعرف عن دينهم بلغتهم ..تعرف عنه بالعربي وتتكلم وكل حآجة.. بس كيف تعرف مصطلحآتهم الدينيه الي حتنآقشهم فيهآ؟؟ كيف تنآقشهم وتكلمهم عن الدين والحياه ويوم القيآمه والحسآب والجنه والفردوس والنآر كيف تستخدم المصطلحآت الي يقدروآ يفهموك بوآسطتهآ..مثلآ الله والرسول اهل اليمين وأهل الشمآل كيف يعني حتترجمهآ بالقآموس والا كيف؟؟
لآزم تكون تعرف تتكلم عن دينهم وتعرف معلومآت عنهم وتدرس عنهم مو تغمض عينك لأنو دين تآني وحرآم وكلآم قبل 100 سنه لآ بالعكس كون متفتح وإقرآ عن شعوبهم ولمآ تتكلم معآهم عنهم أو عن أي شي يخصهم وتحآورهم لآتعمل زي بعض الجهلة يكلموهم بفوقيه وبتعالي وإحنا ديننا فيه وفيه وفيه ويتفشخروآ ..وكلآم والله يهز القلب لأنو تعرف إنو كلآم طآلع من قلب فآضي..الإنسآن الي يبغى الخير للكل يكون متفتح على الشعوب وأديآنهآ ويحترمهم لأنو دآ ديننآ الي بيأمرنآ بالشي دآ ..غير كدآ إنت تكون تعرف عنهم كل شي بس همآ مايعرفوآ عنك ولاحآجة ؟؟ حيبحثوآ وحيدوروآ وحيعملوآ كل حآجة عشآن يعرفوآ معلومآت عنك وعن مجتمعك ودينك..في حآل إنهم إعجبوآ بشخصيتك كإنسآن محترم وملتزم بدون تزمت أو غرور أو تعالي .. أو تفآخر مصطنع سوآء بالدين أو بالثقافة .. الناس تفهم وتحس وتتعآطف.. إحنآ مآ رح نتكلم مع أطفال جآهلين عايشين في الشآرع وإحنا نجي نقولهم يآأبطآل يآحلوين ترى فيه دين إسمو الإسلآم ونرصلهم كم جملة وخلآص نفرح حيدخلوآ في الإسلآم ؟؟
برضو عندهم عقول ويفهموآ ويعرفوآ ويفرقوآ الصح من الخطأ لكن الهدآيه بيد ربنآ سبحآنه وتعالى يعني مو عآرفين إنهم بيقدسوآ بشر؟؟ وفي دآخلهم يحسوآ إنهم بيعيشوآ في الوهم ..
لكن بمجرد مآحيشوفوآ إنسآن مرتآح مع نفسه ومتصآلح مع نفسه ومحترر من قيود التخلف وعآيش زي ما ربنآ خلقه بأخلآق تجذب النآس وتعآون ومحبه وسلآم والله إستحآلة مايشد إنتبآهم الشي دآ أكتر من إنو الوآحد يروح لحدة عندهم عشآن يدعوهم ..ويآمآ نآس مآعندهم خبرة كبيره في الدين خلوآ نآس يسلموآ ويدخلوآ في الإسلام بسبب أخلاقهم..