سافرت ..ولمن جيت اوقف هدا التيرم شوفو أيش صار فيا
السلام عليكم
أنا حابه أطلب مساعدتكم في موضوع موترني مرررره
انا الحين في المستوى السابع قسم إداره وإقتصاد إدارة عامه
بس حصلتلي ضروف هدا التيرم وسافرت إمريكا وأنا حاليا موجوده في إمريكا
بس قبل ما أسافر رحت للقبول والتسجيل عشان أوقف هدا التيرم
قالولي بالنت التوقيف
وعلى طول بعدها سافرت وبعد ماوصلت دخلت موقع الجامعه لقيت التوقيف بالنت قفل
ومرررره خايفه احمل المواد اللي كنت منزلتها هدا التيرم
لأن معدلي 4.19 وأخاف ينزل من غير سبب
قولولي كيف أتصرف
كلمت وحده من صحباتي راحت للمديره تبع التوقيف قالتها ماأقدر اوقفها
ورسلت أيميل للمرشده تبعي ماعبرتني ولا ردت على ايميلي
أمانه ساعدوني أيش اسوي
وحده من البنات قالت اعملي طوي قيد ....!!! وأنا مافهمت أيش يعني ياريت اللي عندها خبره في موضوعي تردلي لأني ليا أسبوع وأنا متوتره
ماأدري إذا يرضو الاساتذة تبعوني يأجلولي المواد ..للتيرم التاني ..؟؟؟
أنا أخد هدا التيرم من أ.عنود السبعان و أ.حياة راجخان و أ.سحر أمين و أ.بدرية الجهني
و أ. سناء باناجه
|