رد: ليه جدول اختباراتي ثلاث اسابيع
حقيقه مشكله كان الله في عونك .....
اول شي فكرة انهم يغيرو موعد الاختبار هذي انسييييييييييييها للابد
ثاني شي انك تاجلي الاختبار في طريقة واحده وحييييييييييده وهي انك ماتحضري الاختبار وتجيبي عذر قوي ... ورقة من مستشفى او اي شي قووي يخليهم يعيدوه ليكي الفصل الي بعده وهذا الشي موجود في نظام الجامعه ويسموه بالاختبار البديل
ثالث شي فكرة انك تحذفي الترم محتمله وتقدري ترسليلهم معامله الكترونيه وفيها انواع الاعذار والافلام ,, ابتداء من انا انسانه قدر الله علي واهي اهي اهي وخلاص ولكن .... انتي حذفتي الفصل الماضي وبتحذفي الفصل هذا يعني يمكن لو يصير عندك ظرف الفصل الجاي ماراح تقدري تحذفي وحتضطري للفصل لاسمح الله لان نظام التأجيل لايسمح بحذف اكثر من فصلين متتاليين والله اعلم >> ماني متأكد بس في حاجة زي كيذا
رابع شي يقول هذاك عصفور في اليد ولا عشرة على الشجرة ... وخليه كحل اضطراري انك تروحي وتختبري وكل شي بس لاتختبري المادة الي في الاسبوع الاخير وبعدين اذا جبتي عذر كان بها ماجبتي ... فمادة واحده ترسبي فيها وتسجلك F احسن من انك تتركي الجامعه ككل ... بعدين تقولي دوفرتي كثييير يعني بتجيبي درجات طيبه والمادة هذي سلمي امرها الى الله وخليها f بكيفها
والشي الخامس انه في الرياض فيه انتساب مطووور في جامعه الامام محمد بن سعود ليش ماتدرسي فيها وتريحي نفسك وتريحي اهلك ؟؟ روحيلهم يمكن يعادلولك المواد الي درستيها في جامعه الملك عبدالعزيز وكملي معاهم
واخر شي اتمنى لك التوفيق والله يعينك وييسر امورك وامور المسلمين ويوفقك لما يحبه ويرضاه
|